Síðasta vika var heldur betur góð fyrir Ole Gunnar Solskjær, stjóra Manchester United, en mikil pressa var komin á Norðmanninn eftir magurt gengi að undanförnu.
Á miðvikudagskvöldið hafði United betur gegn Tottenham á heimavelli og á laugardagskvöldið ferðuðust þeir yfir á Etihad-leikvanginn og höfðu betur gegn grönnunum í City, 2-1.
Á blaðamannafundi eftir leikinn var Norðmaðurinn spurður hvað það hefði þýtt fyrir hann persónulega að hafa betur gegn Jose Mourinho og Pep Guardiola á fimm dögum.
Solskjær var fljótur til og svaraði: „Á þremur dögum,“ sagði Solskjær og brosti.
"Ole, can you just say what it means to you personally to have beaten a Jose Mourinho team and a Pep Guardiola team in five days?
— SPORF (@Sporf) December 9, 2019
"Three days." pic.twitter.com/5qEy5bzXEC
Hann hélt svo áfram og sagði að United hafi fengið minni tíma en liðið tvö til þess að undirbúa sig fyrir leikinn og hrósaði hann sínum mönnum fyrir þá vinnu sem þeir lögðu í leikinn.
United er í 5. sæti deildarinnar eftir leikinn en þeir eru fimm stigum á eftir Chelsea sem er í fjórða sætinu. Þeir mæta Everton um komandi helgi.
