Solskjær: Stuðningsmennirnir skilja hvað ég er að reyna
Ole Gunnar Solskjær, stjóri Manchester United, sagði á blaðamannafundi í gær að hann væri enn með stuðningsmennina á bakvið sig og að þeir skildu hvað hann væri að reyna gera hjá félaginu.
Norðmaðurinn hefur verið undir mikilli pressu að undanförnu og ekki minnkaði hún um liðna helgi er United gerði 2-2 jafntefli við Aston Villa á heimavelli. Versta byrjun United í 31 ár staðreynd.
Í kvöld er það svo stórleikur er Jose Mourinho og lærisveinar hans í Tottenham mæta á Old Trafford.
On #TheDebate, @graemelesaux14 breaks down the 'disconnect' at @ManUtd and feels the void is at the top - rather than with Solskjaer.
— Sky Sports Premier League (@SkySportsPL) December 3, 2019
Watch The Debate live now on Sky Sports Premier League channel, and get in touch using #TheDebate. pic.twitter.com/73KDulmR9e
„Fyrir mér þá verð ég að trúa þeim stuðningsmönnum sem ég hef hitt og það eru ekki margir sem segja að ég þurfi að gera eitthvað öðruvísi. Þeir sjá hvað ég er að reyna að gera,“ sagði Solskjær á blaðamannafundi í gær.
„Þeir vita að það fer mikil vinna fram fyrir aftan tjöldin og að koma ákveðinni menningu inn í þetta lið og það erum við að reyna. Við þurfum bara úrslit. Þessir sex leikir sem við höfum gert jafntefli í á leiktíðinni, finnst mér við hafa átt að vinna.“
Flautað verður til leiks á Old Trafford í kvöld klukkan 19.30 en leikurinn verður að sjálfsögðu í beinni textalýsingu á Vísi.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
