Hreyfillinn logaði skömmu eftir flugtak

Eldur kviknaði í hreyfli flugvélar af gerðinni Boeing 777 á vegum flugfélagsins Philippine Airlines skömmu eftir flugtak á fimmtudag. Vélinni var nauðlent skömmu síðar.

Flugvélin var á leið til Manila á Filippseyjum og tók á loft frá alþjóðaflugvellinum í Los Angeles. Henni var þó snúið við nær tafarlaust eftir að sprenging varð í öðrum hreyflinum. Í tilkynningu frá flugfélaginu er atvikið rakið til „tæknilegs vandamáls“ í hreyflinum.

Engan úr hópi samtals 342 farþega og átján áhafnarmeðlima sakaði. Þá segir í tilkynningu félagsins að vélin hafi aðeins verið í loftinu í um fimmtán mínútur.

Myndbönd af atvikinu hafa vakið töluverða athygli á netinu. Hluta þeirra má sjá hér að neðan.

A Philippine Airlines flight made an emergency landing at LAX shortly after takeoff when reported engine failure and flames were visible.

Passengers disembarked once the flight landed back at the airport. https://t.co/J5BDSvH87J pic.twitter.com/wBRK8SSEhP

— ABC News (@ABC) November 21, 2019

Footage from inside Philippine Airlines Flight 113 shared with me from the woman who shot this, she says she started praying and that's when the plane banked back to LAX. @KFIAM640 pic.twitter.com/NnNC68cgsa

— Kris Ankarlo (@KrisAnkarlo) November 21, 2019

Og í þessum spilara má sjá myndband BBC um atvikið.