Viðskipti innlent

27 missa vinnuna hjá Jarðborunum

Kolbeinn Tumi Daðason skrifar
Sigurður Sigurðsson, forstjóri Jarðborana, segir verkefnaleit í fullum gangi.
Sigurður Sigurðsson, forstjóri Jarðborana, segir verkefnaleit í fullum gangi. Aðsend

27 starfsmönnum Jarðborana var sagt upp störfum á þriðjudag. RÚV greindi fyrst frá. Sigurður Sigurðsson forstjóri segir verkefnaskort um að kenna en fyrirtækið sjái fram á algjört hlé í verkefnum í fimm til sjö mánuði.

„Við erum með mjög öflugt lið til að afla verkefna,“ segir Sigurður og bendir á að sextíu prósent verkefna Jarðborana hafi verið utan landsteinanna.

„Við erum að vinna á St. Vincenet í karabíska hafinu en það verkefni klárast í janúar. Sömuleiðis erum við að vinna fyrir Orkuveituna uppi á Hellisheiði en þeim samningi er að ljúka,“ segir Sigurður.

Mögulega verði fleiri verkefni sem komi upp úr samstarfinu á næsta ári en ekkert sé í hendi.

Á fundi með starfsmönnum á þriðjudag segist Sigurður hafa farið mjög vel yfir verkefnastöðuna. Staðan sé auðvitað hundleiðinleg en fólk skilji ástæðurnar.

Um hundrað manns störfuðu hjá Jarðborunum fyrir uppsagnirnar. Bæði íslenskir og erlendir starfsmenn missa vinnuna. Mikil þekking tapist við brotthvarf þeirra að sögn Sigurðar en misjafnt er hvenær fólk ljúki störfum. Það dreifist yfir næstu fimm mánuði.

Til greina komi að endurráða fólk ef verkefnastaðan batnar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
2,84
50
304.659
BRIM
0,9
4
13.951
REITIR
0,54
6
97.741
EIM
0,53
3
22.430
MAREL
0,49
15
329.308

Mesta lækkun dagsins


Félag
Br.%
Fjöldi
Velta*
ORIGO
-1,82
5
37.198
KVIKA
-1,49
6
94.217
ICESEA
-0,92
5
8.654
SYN
-0,91
3
26.200
HEIMA
-0,86
4
3.247
Velkomin á Vísi. Þessi vefur notar vafrakökur. Sjá nánar.