Viðskipti innlent

Róbert og félagar kaupa í Sýn fyrir 560 milljónir

Kristín Ólafsdóttir skrifar
Róbert Wessmann er forstjóri Alvogen.
Róbert Wessmann er forstjóri Alvogen. Mynd/Alvogen

Róbert Wessman forstjóri Alvogen er orðinn einn af stærstu hluthöfum í fjarskiptafyrirtækinu Sýn. Frostaskjól ehf., félag í eigu Róberts, á nú um 7,64 prósenta hlut í fyrirtækinu, að því er fram kemur í tilkynningu til Kauphallarinnar. Heildarvirði viðskiptanna var um 560 milljónir króna.

Frostaskjól seldi fyrir skömmu alla hluti sína í Heimavöllum. Eigendur Frostaskjóls eru félögin Reir ehf. og Aztiq fjárfestingar ehf., hvort um sig með helmingshlut.

Eigendur fyrrnefnda félagsins eru Hilmar Þór Kristinsson og Bernhard Jakob Strickler. Róbert Wessmann fer hins vegar með yfirráð yfir því síðarnefnda. Róbert fer einnig með yfirráð yfir BBL 105 ehf., sem á fyrir 2.500.000 hluti í Sýn.

Frostaskjól keypti hlut sinn, samtals 20.150.000 hluti, af félaginu Res II, sem er í eigu hjónanna Sigurðar Bollasonar og Nönnu Ásgrímsdóttur. Eftir viðskiptin á Frostaskjól samtals 7,64% hlut í Sýn. Sigurður og Nanna keyptu hlut sinn í Sýn í lok síðasta mánaðar.

Vísir er í eigu Sýnar hf.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SKEL
2,51
21
428.353
SYN
2,38
9
90.240
HAGA
1,75
10
95.153
EIK
1,22
13
157.475
REITIR
1,17
17
254.889

Mesta lækkun dagsins


Félag
Br.%
Fjöldi
Velta*
SIMINN
-1,3
6
96.239
TM
-0,83
4
38.492
EIM
-0,78
9
100.273
ICESEA
-0,68
3
7.781
ICEAIR
-0,48
14
96.178
Velkomin á Vísi. Þessi vefur notar vafrakökur. Sjá nánar.