Coby White, leikmaður Chicago Bulls, setti niður sjö þriggja skot í 4. leikhluta þegar liðið vann New York Knicks, 120-102, í NBA-deildinni í nótt.

White er fyrsti nýliðinn í sögu NBA sem setur niður sjö þrista í einum leikhluta. Hann er einnig sá yngsti sem hefur afrekað það í NBA en hann er aðeins 19 ára.

White er jafnframt sá leikmaður í sögu Chicago Bulls sem hefur sett niður flest þriggja stiga skot í einum leikhluta.

HISTORIC NIGHT FOR @COBYWHITE!

▪️ 23 PTS, 7 threes in 4Q alone
▪️ @chicagobulls record for most 3s in a quarter
▪️ Youngest player ever to hit 7 threes in a quarter pic.twitter.com/FdJuMwNMcZ
— NBA.com/Stats (@nbastats) November 13, 2019

Framan af leik var White kaldur en hann brenndi af fyrstu fimm skotunum sínum. Fyrir lokaleikhlutann var hann aðeins búinn að skora fjögur stig.

„Ég hafði hitti illa svo það gott að sjá fyrsta skoti farið niður. Svo komst ég í góðan takt,“ sagði White sem var óstöðvandi í 4. leikhlutanum.

Öll þriggja stiga skot Whites í 4. leikhluta má sjá hér fyrir neðan.

@CobyWhite becomes the first rookie in @NBAHistory to sink 7 threes in a quarter! @chicagobulls x #NBARooks pic.twitter.com/dwwRBa8K5G
— NBA (@NBA) November 13, 2019

White skoraði alls 27 stig gegn New York en hann hitti úr átta af 14 skotum sínum utan af velli og nýtti öll fjögur vítin sín.

Chicago er í 11. sæti Austurdeildarinnar með fjóra sigra og sjö töp.