Innlent

Blaðamenn og fréttastjórar mbl.is ítreka vonbrigði sín

Birgir Olgeirsson skrifar
Höfuðstöðvar Morgunblaðsins í Hádegismóum.
Höfuðstöðvar Morgunblaðsins í Hádegismóum. Vísir/Vilhelm

Blaðamenn og fréttastjórar mbl.is hafa ítrekað vonbrigði sín í garð stjórnenda Morgunblaðsins vegna frétta sem birst hafa á vef fjölmiðilsins í dag á meðan verkfallsaðgerðir hafa staðið yfir. 

Lögðu blaðamenn og fréttastjórar mbl.is niður störf klukkan tíu í morgun í samræmi við boðaða vinnustöðvun Blaðamannafélags Íslands. Á meðan vinnustöðvuninni stóð birtust fréttir á mbl.is sem skrifaðar voru af öðrum blaðamönnum Árvakurs og lausapennum til klukkan 18, þegar löglegum boðuðum aðgerðum blaðamanna lauk. 

Blaðamannafélag Íslands hefur nú þegar stefnt Ríkisútvarpinu og Morgunblaðinu til félagsdóms vegna meintra brota sem eiga að hafa verið framin á meðan vinnustöðvun stóð yfir síðastliðinn föstudag. 

„Við undirrituð ítrekum áður yfirlýst vonbrigði okkar með þessar aðgerðir, sem álitnar eru verkfallsbrot af Blaðamannafélagi Íslands og verða teknar fyrir í félagsdómi. Við teljum þær varpa rýrð á fyrirtækið sem við störfum hjá og að þær séu ekki gott innlegg í þær kjaraviðræður sem nú standa yfir,“ segir í yfirlýsingunni frá blaðamönnum og fréttastjórum mbl.is

Verkfallsboðunin náði yfir fréttamenn, ljósmyndara og myndatökumenn á vefmiðlum sem starfa á Fréttablaðinu, Morgunblaðinu, RÚV og Vísi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.