Seinni bylgjan: Passívur varnarleikur ÍR í Safamýri

Ágúst Jóhannsson fór í greiningarhornið í Seinni bylgjunni á Stöð 2 Sport og fór yfir leik Fram og ÍR í Olísdeild karla.

Framarar urðu fyrsta liðið til þess að vinna ÍR í síðustu umferð þegar þeir fóru með 29-28 sigur í Safamýrinni.

„Mér fannst varnarleikurinn hjá ÍR, sérstaklega í fyrri hálfleik, mjög slakur,“ sagði Ágúst.

„Þeir voru framan af mjög passívir.“

„Þeir standa illa ÍR-ingarnir og þeir ná ekki að klára brotin.“

Fram spilaði hins vegar góðan varnarleik í leiknum að mati Ágústs og eru Framarar nú búnir að vinna tvo leiki í röð í deildinni.