Innlent

Segja forystu Eflingar haga sér eins og verstu skúrka

Berghildur Erla Bernharðsdóttir skrifar
Þær Kristjana Valgeirsdóttir fjármálastjóra Eflingar  og Elín Hanna Kjartansdóttir bókari harma málflutning forystu Eflingar gegn sér.
Þær Kristjana Valgeirsdóttir fjármálastjóra Eflingar og Elín Hanna Kjartansdóttir bókari harma málflutning forystu Eflingar gegn sér.

Viðar Þorsteinsson framkæmdastjóri Eflingar sagði í fréttum Stöðvar 2 í gær að kröfur frá fyrrum stjórnendum Eflingar þar sem farið sé fram á digra og framlengda starfslokasamninga hafi verið hafnað enda eigi þær sér ekki stoð. Þá kom fram að fjármálastjórinn færi fram á starfslokasamning sem jafngildi um 40-50 milljónum króna að minnsta kosti. Loks kom fram að háttsettir stjórnendur félagsins hefðu verið handgengnir fyrri forystu félagsins. 
Fjármálastjóri Eflingar og bókari fóru í veikindafrí síðasta haust og leituðu í kjölfarið til hæstaréttarlögmanns þar sem starfsmennirnir töldu að brotið hefði verið á sér. 
Þær hafa nú sent frá sér yfirlýsingar vegna opinberra ummæla Viðars Þorsteinssonar um sín mál í viðtali Stöðvar 2 sem birtist í heild sinni á Vísi í gær.

Sjá einnig: Framkvæmdastjóri Eflingar segir háttsetta stjórnendur félagsins hafa verið handgengnir fyrri forystu

Kristjana Valgeirsdóttir fjármálastjóri segir í sinni yfirlýsingu að Viðar hafi neitt sig í veikindaleyfi og reynt að bola sér úr starfi. Hann saki fyrri forystumenn Eflingar um spillingu sem séu ósannindi. Í yfirlýsingunni kemur fram að þar gleymi Viðar vísvitandi að það hafi verið athugasemdir Kristjönu og bókara félagsins vegna ósamþykktra fjárútláta til vildarvina hans og formanns félagsins sem leiddu til þess að þeim var gert ókleift að starfa innan félagsins og þær hafi hrökklast í veikindaleyfi. 

Staðreyndin sé sú að Sólveig Anna Jónsdóttir og Viðar Þorsteinsson hafi aldrei ljá máls á neinum samningum við starfsmenn. Tugmilljónakröfur sem þau segi að hafi komið fram frá starfsmönnum sé ekkert annað en áróður. Dapurlegt sé að stéttarfélagið Efling bjóði það eitt og sér fram í fjölmiðlum að reka starfsmenn í dýr og tímafrek málaferli. Forysta Eflingar hagi sér þannig eins og verstu skúrkar í atvinnurekenda stétt.  

Viðar og Sólveig fari með ósannindi um mál starfsmanna. 

Í Yfirlýsingu Elínar Hönnu Kjartansdóttur bókara Eflingar harmar hún málflutning og ásakanir Viðars Þorsteinssonar. Veikindi sín séu rakin til framkomu og atburða af hálfu stjórnenda á skrifstofu félagsins. Hún lýsir furðu sinni á þeim ummælum framkvæmdastjórans að verið sé að reyna að þvinga Eflingu til að gera óeðlilega samninga sem séu langt umfram réttindi. Hún segist ekki eiga nógu sterk orð yfir það virðingarleysi sem formaður og framkvæmdastjóri Eflingar hafi sýnt starfsmönnum og félagsmönnum Eflingar með málflutningi sínum. 
Hér að neðan  má lesa yfirlýsingar þeirra í heild sinni. 
 
 


Tengdar fréttir

Alþýðusambandið vinnur að leiðbeinandi reglum sem ver starfsfólk stéttarfélaga

Forseti Alþýðusambands Íslands segir að í gerð séu leiðbeinandi reglur fyrir stéttarfélög um að sett verði inní ráðningasamninga, að ef starfsfólk félaganna lendir í deilum við þau, fái starfsmenn utanaðkomandi aðstoð. Hún staðfestir að lögmaður hafi óskað eftir aðkomu ASÍ í deilu fyrrverandi starfsmanna Eflingar við félagið en báðir deiluaðilar þurfi að samþykkja að ASÍ skipti sér að málum.

Framkvæmdastjóri Eflingar segir háttsetta stjórnendur félagsins hafa verið handgengnir fyrri forystu

Framkvæmdastjóri Eflingar tekur undir með formanni VR um að tiltekinn hópur starfsmanna félagsins hafi verið handgenginn fyrri forystu félagsins í kosningabaráttunni í fyrravor. Hann segir ógerning að fara að kröfum fyrrverandi stjórnenda félagsins upp á tugi milljóna króna. Lögmaður starfsfólksins hafi reynt að þvinga Eflingu til að gera óeðlilega samninga.

Sólveig Anna segir sína hlið málsins: „Átti ég að starfa með manni sem mig langaði ekkert að starfa með“

Sólveig Anna Jónsdóttir, formaður Eflingar, hefur birt Facebook-færslu þar sem hún fer yfir sína hlið vegna uppsagnar fyrrverandi skrifstofustjóra Eflingar sem skrifaði undir starfslokasamning skömmu eftir að Sólveig Anna tók við sem formaður félagsins. Hún segir að Efling hafi að fullu efnt starfslokasamning sem gerður hafi verið skrifstofustjórann. Spyr hún hvort að hún að sem formaður megi hafa eitthvað að segja um hverjir séu hennar nánustu samstarfsfélagar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.