Viðskipti erlent

Boeing greiðir bætur til aðstandenda

Tryggvi Páll Tryggvason skrifar
Böndin hafa borist að hugbúnaði í Boeing 737 Max 8-vélinni sem hafi valdið því að vélin tók dýfu og hrapaði skömmu eftir flugtak.
Böndin hafa borist að hugbúnaði í Boeing 737 Max 8-vélinni sem hafi valdið því að vélin tók dýfu og hrapaði skömmu eftir flugtak. AP/Mulugeta Ayene

Bandaríski flugvélaframleiðandinn Boeing mun greiða aðstandendum þeirra sem létust í tveimur mannskæðum flugslysum í Eþíópíu og Indónesíu á þessu ári og hinu síðasta 144,5 þúsund dollara í skaðabætur. Í bæði skiptin hrapaði Boeing 737 MAX flugvél en flugslysin urðu til þess að flugbann var sett á þessa tegund flugvéla sem enn er í gildi.

Upphæðin er jafnvirði um 18 milljóna króna en alls hefur Boeing lagt til hliðar 100 milljónir dollara, um 12 milljarða króna, í sjóð sem greiða á skaðabætur til fjölskyldna þeirra sem létust. Helmingur upphæðarinnar sem settur var í sjóðinn mun fara í greiðslu skaðabóta, hinn helmingurinn er ætlaður verkefnum sem tengjast menntunar- og þróunarmálum.

Fyrra slysið varð í Indónesíu þann 29. október á síðasta ári þegar flugvél Lion Air hrapaði í sjóinn skömmu eftir flugtak. 189 létust í slysinu. Síðara slysið varð í Eþíópíu þann 10. mars síðastliðinn. Flugvél Ethiopian Airlines hrapaði til jarðar, einnig skömmu eftir flugtak frá Addis Ababa. 157 létust.

Eftir seinna slysið var flugbann sett á Boeing 737 MAX flugvélar um allan heim. Banninu hefur enn ekki verið aflétt en Boeing vinnur nú að því að fá því aflétt. Icelandair er á meðal þeirra flugfélaga sem hafa orðið fyrir barðinu á flugbanninu.

Í frétt BBC segir að aðstandendur þeirra sem létust geti sótt um að fá bætur úr sjóðnum til áramóta. Boeing hefur einnig sagt að þiggi aðstandendur bætur úr sjóðnum fyrirgeri það ekki rétti þeirra til þess að fara í einkamál á hendur Boeing, sem margir hafa þegar gert.


Tengdar fréttir

Hermdu eftir flugi Lion Air: „Hræðileg staða til að vera í“

"Þetta er hræðileg staða til að vera í, það er erfitt að ímynda sér þetta,“ sagði ástralski flugmaðurinn Chris Brady í fréttaskýringaþættinum 60 Minutes Australia sem sýndur var í gær. Þar var farið ofan í saumana á þeim vandamálum sem hrjáð hafa Boeing 737 MAX-vélarnar að undanförnu og meðal annars hermt eftir flugi Lion Air sem hrapaði í Indónesíu á síðasta ári.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
2,84
50
304.659
BRIM
0,9
4
13.951
REITIR
0,54
6
97.741
EIM
0,53
3
22.430
MAREL
0,49
15
329.308

Mesta lækkun dagsins


Félag
Br.%
Fjöldi
Velta*
ORIGO
-1,82
5
37.198
KVIKA
-1,49
6
94.217
ICESEA
-0,92
5
8.654
SYN
-0,91
3
26.200
HEIMA
-0,86
4
3.247
Velkomin á Vísi. Þessi vefur notar vafrakökur. Sjá nánar.