Einn af stofnendum Brauðs & Co selur hlut sinn í fyrirtækinu
Bakarinn Ágúst Einþórsson hefur selt hlut sinn í fyrirtækinu Brauð & Co sem hann stofnaði fyrir nokkrum árum ásamt þeim Birgi Þór Bieltvedt og Þóri Snæ Sigurjónssyni. Ágúst átti 13 prósent hlut í Brauð & Co sem hann seld til Birgis og Þórðar.
Frá þessu er greint í ViðskiptaMogganum í dag. Þar segir að Ágúst muni áfram starfa hjá Brauð & Co en spurður um ástæðuna fyrir því að hann selji hlut sinn í þessu vinsæla bakaríi segir hann að þetta sé búið að ganga vel og að nú telji hann góðan tíma til að selja bréfin.
„Persónulega held ég að þetta sé rétt skref fyrir mig og á sama tíma tel ég að þetta sérétt skref fyrir Brauð & Co,“ segir Ágúst við ViðskiptaMoggann.
Þá segir hann að breytingin muni ekki hafa nein áhrif á rekstur Brauð & Co.
Tengdar fréttir
Velta Brauðs & Co jókst um sjötíu prósent
Sala í súrdeigsbakaríum Brauðs & Co nam ríflega 699 milljónum króna á síðasta ári og jókst um tæp 72 prósent frá fyrra ári þegar hún var um 408 milljónir króna.
Brauð & Co opnar á Hrísateig: „Góður fílingur í Laugarnesinu“
Brauð & Co mun opna í húsnæði þar sem Kornið rak bakarí um árabil.
Stofnandi Brauð & Co: „Spurðu allir hvort ég væri eitthvað ruglaður“
Ágúst Einþórsson er tveggja barna faðir og bakari sem fann sig aldrei í menntakerfi landsins og tók snemma upp á því að fara sínar eigin leiðir.
Reykjandi bakarinn á Hróarskeldu rekur vinsælasta bakarí landsins
Bakarinn Ágúst Einþórsson rekur Brauð & Co sem er samkvæmt TripAdvisor vinsælasta bakarí landsins. Ágúst hélt fyrirlestur á opnum fundi Félags atvinnurekenda.
