Innlent

Alvarlegt umferðarslys varð á Borgarfjarðarbraut

Eiður Þór Árnason skrifar
Tilkynning barst um slysið um klukkan ellefu í dag.
Tilkynning barst um slysið um klukkan ellefu í dag. Stöð 2/Egill

Borgarfjarðarbraut hjá Grjóteyri er lokuð vegna umferðarslyss og má búast við að vegurinn verði lokaður næstu klukkustund eða svo, samkvæmt upplýsingum frá Lögreglunni á Vesturlandi.

Í samtali við Vísi staðfesti Gísli Björnsson, yfirmaður sjúkraflutninga hjá Heilbrigðisstofnun Vesturlands, að um mjög harðan árekstur hafi verið að ræða þar sem tveir bílar keyrðu beint framan á hvorn annan. Tveir voru fluttir með sjúkrabíl á Landspítalann og einn fluttur á heilsugæsluna á Borgarnesi.

Slysið átti sér stað á Borgarfjarðarbraut við Grjóteyrarhæð. Tilkynning barst um slysið um klukkan ellefu í dag og er enn unnið að því að hreinsa vettvang. Lögreglan bendir á hjáleið um Hvítárvallabrú.

Búið er að opna aftur fyrir umferð um Borgarfjarðarbraut hjá Grjóteyri. Vegurinn er því greiðfær að nýju.

Fréttin var síðast uppfærð klukkan 15:00.

 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.