Telur einfalt að hliðra til vegna steingervinga
Náttúrufræðistofnun hyggst eftir helgi rannsaka fullyrðingar andstæðinga Hvalárvirkjunar um að friðaðir steingervingar séu á framkvæmdasvæði virkjunarinnar. Stjórnarformaður Vesturverks segir einfalt að hliðra til framkvæmdum þannig að þær snerti ekki slíkar minjar. Fjallað var um málið í fréttum Stöðvar 2:
Þótt andstæðingar Hvalárvirkjunar hafi tapað síðustu hreppsnefndarkosningum í Árneshreppi, - fengu engan fulltrúa meðan stuðningsmenn fengu fimm, - láta þeir einskis ófreistað til að hindra að vilji meirihlutans um virkjun nái fram að ganga. Nýjasta útspilið er bréf til Náttúrufræðistofnunar um að fundist hafi friðaðir steingervingar í jarðlögum, á svæði þar sem búið er að heimila framkvæmdir.
Fyrirhugað stöðvarhús verður neðanjarðar en helsta sýnilega mannvirkið á því svæði verður vegur sem leggja á upp hlíðina, og einmitt þar í vegstæðinu segja andstæðingar að steingervingarnir séu. Þar sé hætta á óafturkræfu raski.
En gæti þetta útspil stöðvað verkið?
„Við höldum ekki,“ svarar Ásgeir Margeirsson, stjórnarformaður Vesturverks.
„Við virðum þessi sjónarmið og þessar minjar, sem um er að ræða. Nú er búið að rannsaka málið nokkuð ítarlega á fyrri stigum, eftir öllum þeim leiðbeiningum og fyrirmælum sem fyrir liggja. Svo kemur þetta upp á borðið núna.
Það hafa verið fréttir af því að þetta verður rannsakað af Náttúrufræðistofnun, vonandi í næstu viku. Eins og við metum málið þá er það ekki þess eðlis að það trufli verulega eða stöðvi. Það er mjög einfalt að haga framkvæmdum og vegarlagningu þannig að það snerti ekki slíkar minjar,“ segir Ásgeir.
Sýnilegustu mannvirki Hvalárvirkjunar verða stíflur og miðlunarlón á Ófeigsfjarðarheiði en andstæðingar telja þó mesta skaðann felast í því að vatnsrennsli á fossum og fossaröðum minnkar verulega.
-En mun ykkur takast að koma þessari framkvæmd almennilega í gang? Verða ekki bara svo miklar hindranir og mótmæli að þið neyðist til að hverfa frá?
„Það held ég ekki. Við höfum leyfi til þess að gera þetta og höfum heimildir til þess. Og það sem við erum raunverulega að ræða um og þjarka um eru skoðanir. En hvorki við, né þeir sem setja þær fram, eru þeir sem skera úr um hvað má gera. Það eru yfirvöld sem gera það,“ svarar Ásgeir Margeirsson.
Hér má sjá frétt Stöðvar 2:
Tengdar fréttir
Gröfur Vesturverks nálgast átakasvæðið í Árneshreppi
Vaxandi spenna er nú í Árneshreppi eftir því sem vinnuvélarnar nálgast jörðina Seljanes í vegagerð vegna Hvalárvirkjunar. Sá kostur er fyrir hendi að byggja í staðinn bryggju í Ófeigsfirði.
Íhugar að leggjast á jarðýturnar til að mótmæla fyrirhuguðum framkvæmdum Hvalárvirkjunar
Öllum kröfum um stöðvun framkvæmda við virkjunina hefur verið hafnað
Segir kærum ætlað að tefja framkvæmdir
Skiptar skoðanir eru um Hvalárvirkjun en landeigendur hafa meðal annars kært framkvæmdarleyfið. Upplýsingafulltrúi Vesturverks segir kærurnar til þess fallnar að tefja framkvæmdir en hún lítur á virkjunina mikla búbót fyrir byggð á Vestfjörðum.
VesturVerk segir kortið sett fram til að tefja framkvæmdir
Talsmaður VesturVerks segir að kæra byggð á nýju landamerkjakorti sé sett fram til að tefja framkvæmdir við Hvalárvirkjun. Þessu hafnar teiknarinn. Málið snýst um túlkun á skjali frá 19. öld.
Samþykktu framkvæmdaleyfi fyrir Hvalárvirkjun
Leyfið nær til fyrsta hluta framkvæmdanna við Hvalárvirkjun í Árneshreppi.
Verða snarruglaðir fyrir sunnan ef eitthvað á að gera fyrir Vestfirði
Skiptar skoðanir eru meðal íbúa Árneshrepps um hvort Hvalárvirkjun muni styðja við heilsársbyggð í hreppnum. Íbúar upplifa deilur um virkjunina þannig að fólk fyrir sunnan vilji taka völdin af heimamönnum.
Hvalárvirkjun ýmist sögð falleg eða hervirki gegn náttúrunni
Hrafn Jökulsson kallar Hvalárvirkjun hervirki gegn náttúrunni sem aðeins erlendir auðkýfingar hagnist á. Oddviti Árneshrepps segir að þetta verði falleg virkjun sem komi öllum Vestfjörðum til góða.
Virkjunarsinnar rúlluðu upp kosningunni í Árneshreppi
"Mér líst bara vel á þetta nema það er náttúrulega ekkert gaman að vera kominn í hreppsnefndina,“ segir Björn Torfason bóndi léttur.
Vefja náttsloppunum fastar utan um sig þegar við mætum með skóflurnar
Árneshreppur á Ströndum er búinn að stela sviðsljósinu fyrir þessar kosningar. Bóndinn í Steinstúni vandar lögheimilisflytjendum ekki kveðjurnar.
Lögheimilisskráningar á Ströndum taldar tilraun til kosningasvindls
Óvænt stórfjölgun á íbúaskrá Árneshrepps á Ströndum tengist átökum um Hvalárvirkjun. Málið gæti endað sem lögreglumál, sem tilraun til kosningasvindls.
Hvalárvirkjun sett í orkunýtingarflokk
Hvalárvirkjun hefur verið sett í orkunýtingarflokk í þingsályktunartillögu þar sem lagt er til að mögulegum virkjunarkostum verði skipt í þrjá flokka, nýtingar-, bið- og verndarflokka. Glámuvirkjun í Hestfirði er hins vegar í verndarflokki. Tillagan fjallar um verndar- og orkunýtingaráætlun þar sem markmiðið er að tryggja að nýting landsvæða, þar sem er að finna virkjunarkosti, byggist á langtímasjónarmiðum og heildstæðu hagsmunamati þar sem tekið er tillit til verndargildis náttúru og menningarsögulegra minja, hagkvæmni og arðsemi ólíkra nýtingarkosta og annarra gilda sem varða þjóðarhag, svo og hagsmuna þeirra sem nýta þessi sömu gæði, með sjálfbæra þróun að leiðarljósi.
