Innlent

Lögreglumenn óðu eftir ferðamönnum sem festust við Gróttu

Birgir Olgeirsson skrifar
Ferðamennirnir áttuðu sig ekki á því að leiðin út að vitanum myndi lokast í flóði.
Ferðamennirnir áttuðu sig ekki á því að leiðin út að vitanum myndi lokast í flóði. Magnús Weber
Ferðamenn komust í hann krappan síðastliðið laugardagskvöld eftir að hafa gert sér glaðan dag við Gróttuvita. Samkvæmt upplýsingum frá lögreglu áttuðu þessir erlendu ferðamenn sig ekki á því að leiðin út að vitanum myndi lokast á flóði.

Þegar þau ætluðu aftur í land var farið að flæða að og þurfti því að kalla eftir aðstoð. Lögreglan á höfuðborgarsvæðinu brást við hjálparbeiðni ferðamannanna. Þurfti lögreglumenn að vaða eftir ferðamönnunum og aðstoða þá í land en þeir síðustu voru ferjaðir með slöngubát.

Samkvæmt upplýsingum frá lögreglunni voru ferðamennirnir erlendir og lögreglumennirnir nokkuð blautir eftir þessa raun en þar sem veður var gott varð engum meint af.




Fleiri fréttir

Sjá meira


×