Viðskipti erlent

Hundruð eyjaskeggja komast ekki til Íslands

Kristín Ólafsdóttir skrifar
Frá Mont Orgueil-kastala í bænum Gorey á Jersey.
Frá Mont Orgueil-kastala í bænum Gorey á Jersey.

Hundruð íbúa á Ermarsundseyjum, sem áttu bókaðar ferðir til Íslands frá Jersey, sitja eftir með sárt ennið eftir að breska ferðaskrifstofan Super Break, sem bauð upp á beint flug milli Bretlands og Akureyrar, hætti rekstri.

Greint er frá áhrifum gjaldþrotsins á vef dagblaðsins Jersey Evening Post, sem fjallar um málefni Ermarsundseyjarinnar. Þar segir að eyjaskeggjar hafi m.a. bókað Íslandsferðirnar í gegnum ferðaskrifstofurnar Travelmaker og Bellingham Travel, sem starfræktar eru á Ermarsundseyjum.

Fyrirhugað var að bjóða upp á beint flug á vegum Super Break frá Jersey til Íslands. Haft er eftir Carl Winn, yfirmanni markaðsmála hjá móðurfyrirtæki Travelmaker, að 136 farþegar hafi átt bókaðar ferðir til Íslands í mars á næsta ári. Öllum farþegunum hafi verið gert viðvart um gjaldþrot Super Break og ferðaskrifstofan aðstoði þá við að fá endurgreiðslu.

Þá segir Brian Kelly, framkvæmdastjóri Bellingham Travel, að Íslandsdraumar fjölda viðskiptavina fyrirtækisins séu úti. Uppselt hafi verið í fyrstu ferð Bellingham Travel til Íslands og um fjórðungur sæta í aðra ferð, sem bætt var við vegna aðsóknar, hafi þegar selst.

Flytja átti farþegana til Íslands með Boeing 757-flugvél flugfélagsins Titan Airways, sem tekur yfir 200 farþega, að því er fram kemur í frétt Jersey Evening Post.

Bókanir 50 þúsund farþega í uppnámi

Super Break bauð upp á beint flug milli Bretlands og Akureyrar frá árinu 2017. Haft var eftir Arnheiði Jóhannsdóttur, framkvæmdastjóra Markaðsstofu Norðurlands, strax í kjölfar fregna af gjaldþrotinu í byrjun mánaðar að brotthvarf Super Break af markaði væri áfall fyrir þá sem hafi komið að verkefninu, þ.e. fluginu á milli Akureyrar og Bretlands.

Viðskipti ferðaþjónustufyrirtækja víða á Norðurlandi væru í uppnámi þar sem mörg félög hafi byggt rekstur sinn í kring um fyrirhugaðar flugferðir. Þá hefði rekstrarstöðvun fyrirtækisins komið á óvart.

Talið er að gjaldþrot Malvern Group, móðurfélags Super Break, hafi sett strik í reikning yfir 50 þúsund farþega sem áttu bókaðar ferðir hjá Super Break og öðrum dótturfélögum til áfangastaða víða um heim.


Tengdar fréttir

Miklar breytingar eru í vændum á Akureyri

Oddvitar framboðanna á Akureyri eru um margt sammála um hver stóru málin séu á næsta kjörtímabili. Tryggja skuli leikskólapláss og efla atvinnulífið í bænum. Ný könnun bendir til að nýr meirihluti taki við.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ORIGO
1,8
2
677
BRIM
0
0
0
HEIMA
0
1
1.218

Mesta lækkun dagsins


Félag
Br.%
Fjöldi
Velta*
SIMINN
-2,9
12
190.976
KVIKA
-2,8
8
47.966
ARION
-2,54
34
992.823
ICEAIR
-2,17
18
37.233
VIS
-1,93
9
87.062
Velkomin á Vísi. Þessi vefur notar vafrakökur. Sjá nánar.