Manchester United byrjar tímabilið 2019/2020 á sigri en þeir unnu 2-0 sigur á ástralska liðinu, Perth Glory, í æfingarleik í Ástralíu í dag en United er þar í æfingarferð til að undirbúa sig fyrir komandi leiktíð.



Romelu Lukaku var ekki í leikmannahópnum og PauL Pogba mátti sætta sig við að sitja á bekknum í fyrri hálfleik. Daniel James byrjaði sinn fyrsta leik en Aaron Wan-Bissaka byrjaði á bekknum.

Time to bring you today's #MUFC team news...#MUTOUR

— Manchester United (@ManUtd) July 13, 2019

Leikmenn United voru sterkari og fengu góð færi. Anthony Martial og Jesse Lingard fengu fín færi í fyrri hálfleiknum en náðu ekki að koma boltanum í netið.



Daniel James ógnaði með hraða sínum og krafti á vængnum en staðan var enn markalaus er liðin gengu til búningsherbergja. Ole Gunnar Solskjær gerði margar breytingar í hálfleik og þetta lið byrjaði síðari hálfleikinn.

Fresh half, fresh line-up #MUFC#MUTOUR

— Manchester United (@ManUtd) July 13, 2019

Fyrsta mark leiksins kom á 60. mínútu. Eftir darraðadans í vítateig Perth Glory féll boltinn fyrir Englendinginn sem kláraði færið vel. United komið yfir.



Það var svo hinn átján ára gamli James Garner sem skoraði annað mark leiksins er hann tvöfaldaði forystuna fyrir United með góðu skoti. Lokatölur 2-0.

@MarcusRashford puts #MUFC 1-0 up in Perth!



Watch live coverage on #MUTV: https://t.co/H2826I8hl2#MUTOUR  pic.twitter.com/Sg3q4XWmEJ

— Manchester United (@ManUtd) July 13, 2019

Lokatölur 2-0 sigur United í Ástralíu en þeir verða þó áfram í Ástralíu því þeir mæta Leeds í æfingarleik á miðvikudaginn.