Viðskipti innlent

Með tveggja prósenta hlut í Kviku

Kristinn Ingi Jónsson skrifar
Helgi Magnússon.
Helgi Magnússon.
Helgi Magnússon, fjárfestir og fyrrverandi formaður Samtaka iðnaðarins og Lífeyrissjóðs verslunarmanna, hefur bætt við sig í Kviku banka með kaupum á ríflega 0,8 prósenta hlut í fjárfestingarbankanum fyrir um 170 milljónir króna.



Eftir kaupin fer eignarhaldsfélag Helga, Hofgarðar, með tæplega tveggja prósenta hlut í Kviku, samkvæmt nýjum lista yfir stærstu hluthafa fjárfestingarbankans, en hluturinn er metinn á um 420 milljónir króna miðað við núverandi gengi hlutabréfa í bankanum. Eins og greint hefur verið frá í Markaðinum komust Hofgarðar í hóp stærstu hluthafa Kviku banka í liðnum mánuði en félagið hélt þá á liðlega 1,1 prósents hlut í bankanum.



Þá hefur Vátryggingafélag Íslands haldið áfram að minnka við sig í Kviku en tryggingafélagið hefur selt samanlagt um eins prósents hlut í bankanum í mánuðinum. Fer félagið nú með 5,5 prósenta hlut í Kviku að virði um 1.180 milljónir króna.






Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
0,54
13
5.902
REGINN
0
1
1.644
TM
0
2
33.551
FESTI
0
1
38.550

Mesta lækkun dagsins


Félag
Br.%
Fjöldi
Velta*
KVIKA
-0,89
2
6.132
SJOVA
-0,24
1
4.090
MAREL
-0,15
1
27.240
REGINN
0
1
1.644
TM
0
2
33.551
Velkomin á Vísi. Þessi vefur notar vafrakökur. Sjá nánar.