Íslenski boltinn

Ágúst: Áttum ekki roð í þá

Runólfur Trausti Þórhallsson skrifar
Ágúst var sáttur með stigið en ekki spilamennsku Blika.
Ágúst var sáttur með stigið en ekki spilamennsku Blika. vísir/bára

„Eigum við ekki að segja að við höfum fengið eitt stig, við hættum ekki, við höldum áfram. Við vorum eftir á í öllu allan leikinn og HK-menn voru hrikalega öflugur, komu vel gíraðir og ótrúlegt að ná stiginu hérna. Við áttum einfaldlega ekki roð í þá,“ sagði Ágúst Gylfason, þjálfari Breiðabliks, eftir jafnteflið við HK, 2-2, í Kórnum í dag.

Ágúst var sáttur með stigið en honum fannst hans menn þó ekki eiga það skilið en á endanum skiluðu háu boltar Blika tveimur mörkum.

„Miðað við 85 mínútur af leiknum áttum við ekkert skilið. Við dældum háum boltum inn í teiginn og þeir voru búnir að taka við því í 85 mínútur eins og ekkert væri. Sem betur fer fyrir okkur skorum við tvö flott mörk sem voru „direct“ sem er frekar óvanalegt fyrir Blika en það lukkaðist í dag,“ sagði Gústi enn fremur.

Varðandi ástæður þess af hverju Blikar voru jafn lengi að koma sér inn í leikinn og raun bar vitni þá stóð ekki á svörum hjá Ágústi.

„Andstæðingurinn! Þeir komu gíraðir í þetta og við áttum lítinn séns í þá. Þetta var erfitt en eitt stig. Eins og ég segi, við áttum erfiðan dag því andstæðingurinn var góður,“ sagði hann að lokum.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.