Körfubolti

Ingi: Þurfum að skoða þetta vandlega því við gerum mikið af mistökum

Ástrós Ýr Eggertsdóttir skrifar
Ingi er þjálfari KR.
Ingi er þjálfari KR. vísir/anton

Fimmfaldir Íslandsmeistarar KR töpuðu fyrsta leik úrslitaeinvígis Domino‘s deildar karla fyrir ÍR á heimavelli sínum í kvöld eftir framlengdan leik. Ingi Þór Steinþórsson sagði sína menn hafa gert allt of mikið af mistökum.

„Of mikið af mistökum hjá okkur,“ var einfalt svar frá Inga í leikslok spurður hvað hafi farið úrskeiðis. KR tapaði leiknum 83-89 eftir framlengingu.

„Við þurfum að skoða þennan leik mjög vandlega því það var mikið af hlutum sem við gerðum vitlaust.“

„Ég veit ekki hvernig línan var fyrir ykkur en mér fannst þetta full gróft,“ bætti Ingi við.

KR er að tapa boltanum mikið og þá voru sóknarfráköst ÍR-inga dýr heimaönnum.

„Við erum að tapa boltanum of oft, við leyfum þeim að ná fyrsta högginu og vorum að elta þá, það er þannig sem þeir ná forskotinu.“

„Við þurfum að finna lausnir og við ætlum í Seljaskóla til þess að jafna þetta,“ sagði Ingi Þór Steinþórsson.

Liðin mætast öðru sinni í Hertz hellinum, Seljaskóla, á föstudagskvöld.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.