Skytturnar með gott veganesti til Suður-Ítalíu

Anton Ingi Leifsson skrifar
Arsenal menn fagna í kvöld.
Arsenal menn fagna í kvöld. vísir/getty
Arsenal er í fínum málum fyrir síðari leikinn gegn Napoli í átta liða úrslitum Evrópudeildarinnar en Lundúnarliðið vann 2-0 sigur á heimavelli í kvöld.

Það voru ekki liðnar nema fimmtán mínútur er Aaron Ramsey kom Arsenal yfir með frábæru marki. Frábært liðsmark þar sem þeir spiluðu vörn Napoli sundur og saman.

Tíu mínútum síðar var staðan orðinn 2-0. Allan missti boltann skelfilega á miðsvæðinu, Arsenal brunaði í skyndisókn og þrumuskot Lucas Torreira fór af Kalidou Koulibaly og í netið.





2-0 fyrir Arsenal og þeir fengu heldur betur tækifærin til þess að bæta við fleiri mörkum áður en yfir lauk. Það gerðu þeir ekki en gestirnir frá Ítalíu fengu einnig færi.

Opin og skemmtilegur leikur með fjölda af færum en lokatölurnar 2-0 fyrir Arsenal. Liðin mætast á Ítalíu næsta fimmtudag.





Bein lýsing

Leikirnir






    Fleiri fréttir

    Sjá meira