Vara-innanríkisráðherra Frakklands, Laurent Nunez hefur tilkynnt að eldsvoðinn í Notre Dame kirkjunni sem hefur brunnið frá því klukkan 17, hafi dvínað. Enn fremur greindi Nunez frá því að slökkviliðinu hafi tekist að bjarga útveggjum byggingarinnar og einnig norðurturni kirkjunnar. Einnig hefur talsmaður slökkviliðs Parísarborgar greint frá því að turnunum hafi verið bjargað. 
Norður turninn er örlítið hærri en suður turninn og voru þeir lengi vel hæstu mannvirki Parísarborgar.
Blaðamaðurinn Alexandre Fremont hjá Radio France birti fyrr í kvöld mynd á Twitter síðu sinni, myndin er tekin af dróna sem flaug yfir brennandi mannvirkið.