Öskubuskuævintýri Ajax heldur áfram

Anton Ingi Leifsson skrifar
Leikmenn Ajax fagna í kvöld.
Leikmenn Ajax fagna í kvöld. vísir/getty

Ævintýri Ajax heldur áfram í Meistardeild Evrópu en þeir gerðu sér lítið fyrir og slógu út Juventus með 2-1 sigri í síðari leik liðanna í kvöld. Samanlangt 3-2.

Fyrsta markið kom strax á 28. mínútu en það mark kom ekki úr óvæntri átt. Cristiano Ronaldo stangaði þá boltann í netið eftir hornspyrnu Miralem Pjanic og Juventus komið yfir.

Það liðu ekki nema fimm mínútu þangað til Ajax var búið að jafna metin. Boltinn féll fyrir Donny van de Beek eftir misheppnað skot og Beek kláraði færið einstaklega vel.




Ajax var betri aðilinn í leiknum og leikmenn Juventus fundu fáar lausnir á hápressu Hollendinganna. Það voru gestirnir frá Hollandi sem skoruðu sigurmarkið en Matthijs de Ligt stangaði þá hornspyrnu Lasse Schöne í netið.

Juventus þurfti því að skora tvö mörk og þrátt fyrir smá pressu undir lokin voru þeir aldrei nálægt því að ógna liði Ajax. Hollendingarnir voru líklegri til að bæta við eitthvað var.

Ótrúleg framganga Ajax í Meistardeildinni heldur því áfram og eru þeir komnir í undanúrslitin þar sem þeir mæta annað hvort Manchester City eða Tottenham. Ajax hefur nú slegið út Real Madrid og Juventus.



Bein lýsing

Leikirnir




    Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
    Velkomin á Vísi. Þessi vefur notar vafrakökur. Sjá nánar.