Erlent

Tugir látnir eftir ofsaveður í Nepal

Andri Eysteinsson skrifar
Fra flóði í höfuðborg Nepal, Khatmandu á síðasta ári.
Fra flóði í höfuðborg Nepal, Khatmandu á síðasta ári. Getty/NurPhoto
Tuttugu og fimm eru látnir hið minnsta í Asíu-ríkinu Nepal eftir að ofsaveður gekk yfir héruðin Bara og Parsa í suðurhluta landsins. Frá þessu greinir Himalayan Times.



Forsætisráðherra Nepal, Sharma Oli, lýsti yfir samúð með aðstandendum hinna látnu og sendi herafla til svæðanna til að aðstoða þá sem eiga um sárt að binda. Talið er að um 400 hafi slasast á meðan að veðrið gekk yfir með flóðum og tilheyrandi.



Lögreglan í Parsa-héraði telur að fjöldi hinna látnu geti aukist á næstu dögum þegar frekari upplýsingar berast frá strjálbýlli svæðum. Héruðin Bara og Parsa eru meðal landamærahéraða Nepal við Indland.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.