Lífið

Goth og BDSM eru ekki tískustraumar frá helvíti

Þórarinn Þórarinsson skrifar
Harka og mýkt, blúndur og leður, fara vel saman í gothinu. Beislið, eða
"harnessið“ eins og það er oftast kallað, hefur á síðustu árum orðið að algengum tískufylgihlut en liðsmenn Hatara eru þekktir fyrir að skarta slíku.
Harka og mýkt, blúndur og leður, fara vel saman í gothinu. Beislið, eða "harnessið“ eins og það er oftast kallað, hefur á síðustu árum orðið að algengum tískufylgihlut en liðsmenn Hatara eru þekktir fyrir að skarta slíku. mynd/valli

Anna Kristín og Karlotta Laufey í Rokk & Rómantík finna fyrir sívaxandi almennum áhuga á goth-tískunni. „Margir sem koma hingað eru mjög forvitnir, bæði um þessa tísku og bara um búðina sem er náttúrlega öðruvísi en allar aðrar búðirnar hérna,“ segir Karlotta sem er alltaf tilbúin til þess að deila þekkingu sinni á hinu gotneska.

Rokk & Rómantík á Laugavegi sérhæfir sig í fatnaði og fylgihlutum sem kennd eru við gotnesku, eða „goth“, og er þannig óhjákvæmilega hálfgerð sérverslun með BDSM-dót.

„Goth hefur náttúrlega alltaf verið tengt við BDSM en þetta þarf ekkert allt endilega að vera kyn ferðis legt enda snýst þetta um meira. Lífsstíl, og tíska er bara tíska,“ segir Karlotta Laufey í Rokk & Rómantík. Karlotta hlær þegar hún er spurð um satanískar tengingar og hugmyndir um tískustrauma lóðbeint frá helvíti.

„Fólk á það til að vera svolítið hrætt við búðina og þorir varla að koma,“ segir Karlotta en flestir róist þegar á hólminn er komið og finni eitthvað sem höfði til þeirra.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.