Lífið

Ísraelskir fjölmiðlar vara við Hatara

Jakob Bjarnar skrifar
Hatarar virtust kátir með sigurinn.
Hatarar virtust kátir með sigurinn. Mynd/RÚV

Ísraelskir fjölmiðlar hafa slegið því upp að Hatari hafi sigrað í íslensku Söngvakeppninni og þannig megi búast við því að Eurovision, sem haldin verður í Tel Aviv í maí verði vettvangur and-ísraelskra mótmæla.

Íslensk hljómsveit hyggur á andísraelsk mótmæli, segir til dæmis í The Times of Israel.

„Hljómsveit sem heitir Hatari, og kemur fram í BDSM-klæðnaði segir að hún vilji tala fyrir málstað Palestínu á sviðinu þrátt fyrir að reglur Euriovision-söngvakeppninnar. Hatari hefur jafnframt skorað á Netanyahu í glímu.“

Fleiri miðlar eru á svipuðum slóðum en eins og Vísir greindi frá hefur Hatari þegar vakið verulega athygli í Ísrael.

Sjá einnig:Hatari ruggar bátum í ísraelsku sjónvarpi

Vísir ræddi í dag við blaðamanninn Daniel Hershkovitz, sem sagði að gríðarleg eftirvænting ríkti í Ísrael vegna keppninnar og væru langt síðan öll hótelherbergi í Tel Aviv væru bókuð og einnig AirB&B íbúðir.

Söngvarar Hatara, Klemens Hannigan og Matthías Tryggvi Haraldsson, munda hér flöskur merktar hinu dularfulla SodaDream. Mynd/Svikamylla ehf.

Margrét Friðriksdóttir, sem meðal annars hefur vakið athygli fyrir það að taka málstað Ísraelsríkis í hinum miklu deilum sem það á í við Palestínu, vekur athygli á því að ekki er víst að Hatari verður vel tekið í Ísrael. Og þeir séu reyndar ekki góðir fulltrúar Íslands. Það gerir hún á stjórnmálaspjallinu, Facebookhópur sem hún stýrir:

Jæja þá hefur hljómsveitinni Hatarar strax tekist að vekja neikvæða athygli á landi og þjóð og eru sakaðir um gyðingahatur eins og ég óttaðist,“ skrifar Margrét og vitnar í ísralelska fjölmiðla.

Daniel Krygler er einn þeirra sem tekur til máls undir frétt Times of Israel og ljóst er að hann mun ekki taka Hatari fagnandi í maí.

„Það er voða erfitt að vera vitur efirá en líkur eru á að atriðið verði bannað úr keppninni í ár þar sem pólistískur áróður eða ádeilur er bannaður í keppninni og hefur það verið þannig frá upphafi og strangt tekið á slíku. Eurovision var einmitt stofnuð með það hugafar að ýta öllum pólitískum deilum til hliðar og leyfa listamönnum að sameinast án pólitískra afskipta.“

Sé athugasemdakerfið skoðað, í frétt The Times of Israel, má sjá að þar geysar hatröm umræða. Og nokkrir Íslendingar, meðal annarra áðurnefnd Margrét, sverja af sér Hatara. Víst er að fjölmargir í Ísrael hafa nákvæmlega engan húmor fyrir framlagi Íslands.

Vísir birtir á morgun viðtal við ísraelskan borgara en ljóst er að margir í Ísrael eru afar ósáttir við framgöngu Hatara.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.