Safna fyrir Ingu Maríu sem slasaðist lífshættulega í umferðarslysi í Kaupmannahöfn Kristín Ólafsdóttir skrifar 12. febrúar 2019 13:45 Inga María Eyjólfsdóttir leikkona hefur legið á sjúkrahúsi í Kaupmannahöfn síðan 14. janúar síðastliðinn. Mynd/Aðsend Inga María Eyjólfsdóttir, 28 ára leikkona, slasaðist lífshættulega í umferðarslysi í Kaupmannahöfn í janúar. Hún hlaut m.a. alvarleg beinbrot og heilablæðingu en ljóst er að hún á langa endurhæfingu fyrir höndum. Inga María hefur legið á spítala í Kaupmannahöfn síðan slysið varð en aðstandendur fjölskyldunnar hafa nú hrint af stað söfnun til að standa straum af kostnaði vegna slyssins.Ökumaðurinn áður komið við sögu lögreglu Inga María flutti til Kaupmannahafnar fyrir fjórum árum og kláraði þar BA-gráðu í leiklist. Hún ílengdist svo í borginni eftir útskrift og hefur sinnt þar ýmsum störfum og verkefnum. Slysið varð þann 14. janúar síðastliðinn en Inga María var að hjóla yfir götu í Nørrebro þegar ekið var á hana. Fjallað var um slysið í frétt danska dagblaðsins BT frá 15. janúar en þar kemur fram að ökumaður bílsins, 27 ára karlmaður, hafi verið ákærður fyrir að valda slysinu. Haft er eftir Henrik Svejstrup, lögreglustjóra í Kaupmannahöfn, að maðurinn hafi líklega ekið of hratt. Þá hafi áður verið höfð afskipti af honum vegna „sambærilegra brota“. Öll vinstri hliðin mölbrotin Eins og áður segir hefur fjölskylda Ingu Maríu stofnað til söfnunar til að standa straum af kostnaði vegna slyssins en Andri Þór Sigurjónsson, frændi Ingu Maríu, greindi frá slysinu og söfnuninni á Facebook í gær. Anna Helga Ragnarsdóttir, eiginkona Andra, segir í samtali við Vísi að Inga María hafi verið flutt lífshættulega slösuð á bráðamóttöku í kjölfar slyssins. Ástandið hafi verið tvísýnt. „Það voru miklar innvortis blæðingar, miltað sprakk, annað nýrað laskaðist. Það voru fyrstu meiðslin sem þurfti að tækla strax og þá var hún drifin í aðgerð og miltað fjarlægt.“ Inga María var að því búnu lögð inn á gjörgæsludeild ríkisspítalans í Kaupmannahöfn. Þar kom í ljós að hún hafði hlotið slæmt höfuðhögg svo blæddi inn á heila og þá fannst einnig blóð í lungum. „Svo byrjar að koma í ljós að eiginlega öll vinstri hliðin þar sem bíllinn lendir á henni er eiginlega bara mölbrotin. Upphandleggurinn er brotinn og lærið, hún er úlnliðsbrotin, mörg rifbein eru brotin, og ökklinn. Það er eiginlega bara allt brotið vinstra megin.“Langur vegur framundan Inga María var því drifin í aðra aðgerð þar sem reynt var að laga stærstu beinbrotin. Þá hafi hún verið meðvitundarlaus framan af en er nú vöknuð, þó að enn sé ekki útséð hvort höfuðáverkarnir hafi varanleg áhrif.Inga María ásamt móður sinni, Rannveigu, og bróður sínum, Vigfúsi Almari.Mynd/Aðsend„Hún var alveg meðvitundarlaus fyrst. Þeir reyna að vekja hana og ekkert gengur og hún sýnir engin viðbrögð. En svo hægt og rólega byrjar hún að svara áreiti og fer eftir þeim fyrirmælum sem læknarnir biðja um,“ segir Anna Helga. „Hún er vöknuð. Verður hrædd, fær hræðsluköst, og er ekki alveg eins og hún á að sér að vera. Maður veit ekki með þessi höfuðhögg, þetta tekur oft svolítinn tíma hvort það hafi orðið einhver varanlegur skaði þar.“ Stefnt er að því að Inga María verði lögð inn á endurhæfingardeild á spítala í Kaupmannahöfn. „Það er langur vegur framundan,“ segir Anna Helga. „En hún fær mjög markvissa og flotta endurhæfingu og það er ekki annað að segja en að allt starfsfólkið og aðbúnaðurinn á þessum spítala sé til fyrirmyndar.“ Peningarnir á þrotum Eftirmálar slyssins og uppihald aðstandenda hafa þó kostað sitt, að sögn Önnu Helgu. Rannveig Vigfúsdóttir, móðir Ingu Maríu, flaug til Kaupmannahafnar strax eftir slysið og hefur dvalið hjá dóttur sinni síðan. Andri, eiginmaður Önnu Helgu, og Vigfús Almar, bróðir Ingu Maríu, flugu út með henni og dvöldu hjá Ingu Maríu fyrstu dagana eftir slysið. Sjálf er Rannveig með bráðaofnæmi fyrir kulda og getur ekki farið á milli húsa yfir veturinn í Danmörku. Hún þarf því að gista á sjúkrahótelinu hjá dóttur sinni. „Hún er einstæð ekkja. Við viljum að hún þurfi ekki að standa í slíkum kostnaði,“ segir Anna Helga. Því hafi verið ákveðið að efna til söfnunarinnar nú. „Við erum búin að vera að hjálpa henni eins og hægt er en við ráðum ekki endalaust við það. Nú er staðan orðin sú að peningarnir eru á þrotum og við viljum náttúrulega gera allt til að hún geti verið hjá dóttur sinni.“Þeir sem vilja styrkja Ingu Maríu og fjölskyldu hennar geta lagt inn á eftirfarandi reikningsnúmer sem skráð er á bróður hennar, Vigfús Almar:Banki: 544-26-62406Kt.: 240688-2559 Fréttin hefur verið uppfærð og lokað fyrir ummæli. Danmörk Samgönguslys Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Tók upp þegar hann nauðgaði kærustu sinni í tvígang Innlent Getur gosið hvenær sem er Innlent Maðurinn sem kveikti í sjálfum sér látinn Erlent Fluttir á sjúkrahús eftir hópslagsmál í miðborginni Innlent Að taka afstöðu er einkamál hvers og eins Innlent Þjófunum yfirsást taska með milljónum króna Innlent Tilkynnti sig tvisvar til barnaverndar til að fá aðstoð fyrir einhverfa dóttur Innlent Íkveikjan ekki talin hafa beinst að Trump eða réttarhöldunum Erlent Pollrólegur í viðtali í 45 metra hæð yfir borginni Innlent Meðvirkni í garð Katrínar að tjá sig ekki um hana Innlent Fleiri fréttir Meðvirkni í garð Katrínar að tjá sig ekki um hana Fluttir á sjúkrahús eftir hópslagsmál í miðborginni Getur gosið hvenær sem er Að taka afstöðu er einkamál hvers og eins Besti vinur úlfanna hlakkar til að tengjast áhorfendum í Hörpu Pollrólegur í viðtali í 45 metra hæð yfir borginni Tilkynnti sig tvisvar til barnaverndar til að fá aðstoð fyrir einhverfa dóttur Bandarísk þota í vandræðum lenti í Keflavík Þjófunum yfirsást taska með milljónum króna Framkvæmdastjórinn sagður hafa greitt sjálfum sér án heimildar Yfirvofandi eldgos, örvæntingarfull móðir og Hamraborgarþjófarnir Eiga von á öðru eldgosi Maður með kókaín í niðursuðudósum fær mildari dóm Tók upp þegar hann nauðgaði kærustu sinni í tvígang Öllum dómurum skipt út í milljarðamáli fyrrverandi ráðherra Skoðar róttækar breytingar á vaxtabótakerfinu Baldur segir lygasögur ekki hafa nein áhrif á þá Felix Ráðnar aðstoðarmenn nýrrar ríkisstjórnar Átta forsetaefni klár með listana Þórhildur og Heiða María hlutu Hvatningarverðlaun Rannsóknasjóðs Taska stútfull af milljónum króna enn ófundin Ófundin peningataska, aukin spenna í Mið-Austurlöndum og breyting á vaxtabótum Svona var Pallborðið með Baldri, Höllu Hrund og Jóni Guðmundur H. Garðarsson fallinn frá Sakaður um fjölda afbrota: Ungar stúlkur einar heima urðu skelkaðar þegar hann ruddist inn Helga ekki tilbúin að henda inn handklæðinu Kallað út vegna eldamennsku við Stuðlaháls Kæra bónda eftir að 29 naut fundust dauð Straumhvörf í veðrinu Náttúran helsta ástæðan fyrir ferðalögum til Íslands Sjá meira
Inga María Eyjólfsdóttir, 28 ára leikkona, slasaðist lífshættulega í umferðarslysi í Kaupmannahöfn í janúar. Hún hlaut m.a. alvarleg beinbrot og heilablæðingu en ljóst er að hún á langa endurhæfingu fyrir höndum. Inga María hefur legið á spítala í Kaupmannahöfn síðan slysið varð en aðstandendur fjölskyldunnar hafa nú hrint af stað söfnun til að standa straum af kostnaði vegna slyssins.Ökumaðurinn áður komið við sögu lögreglu Inga María flutti til Kaupmannahafnar fyrir fjórum árum og kláraði þar BA-gráðu í leiklist. Hún ílengdist svo í borginni eftir útskrift og hefur sinnt þar ýmsum störfum og verkefnum. Slysið varð þann 14. janúar síðastliðinn en Inga María var að hjóla yfir götu í Nørrebro þegar ekið var á hana. Fjallað var um slysið í frétt danska dagblaðsins BT frá 15. janúar en þar kemur fram að ökumaður bílsins, 27 ára karlmaður, hafi verið ákærður fyrir að valda slysinu. Haft er eftir Henrik Svejstrup, lögreglustjóra í Kaupmannahöfn, að maðurinn hafi líklega ekið of hratt. Þá hafi áður verið höfð afskipti af honum vegna „sambærilegra brota“. Öll vinstri hliðin mölbrotin Eins og áður segir hefur fjölskylda Ingu Maríu stofnað til söfnunar til að standa straum af kostnaði vegna slyssins en Andri Þór Sigurjónsson, frændi Ingu Maríu, greindi frá slysinu og söfnuninni á Facebook í gær. Anna Helga Ragnarsdóttir, eiginkona Andra, segir í samtali við Vísi að Inga María hafi verið flutt lífshættulega slösuð á bráðamóttöku í kjölfar slyssins. Ástandið hafi verið tvísýnt. „Það voru miklar innvortis blæðingar, miltað sprakk, annað nýrað laskaðist. Það voru fyrstu meiðslin sem þurfti að tækla strax og þá var hún drifin í aðgerð og miltað fjarlægt.“ Inga María var að því búnu lögð inn á gjörgæsludeild ríkisspítalans í Kaupmannahöfn. Þar kom í ljós að hún hafði hlotið slæmt höfuðhögg svo blæddi inn á heila og þá fannst einnig blóð í lungum. „Svo byrjar að koma í ljós að eiginlega öll vinstri hliðin þar sem bíllinn lendir á henni er eiginlega bara mölbrotin. Upphandleggurinn er brotinn og lærið, hún er úlnliðsbrotin, mörg rifbein eru brotin, og ökklinn. Það er eiginlega bara allt brotið vinstra megin.“Langur vegur framundan Inga María var því drifin í aðra aðgerð þar sem reynt var að laga stærstu beinbrotin. Þá hafi hún verið meðvitundarlaus framan af en er nú vöknuð, þó að enn sé ekki útséð hvort höfuðáverkarnir hafi varanleg áhrif.Inga María ásamt móður sinni, Rannveigu, og bróður sínum, Vigfúsi Almari.Mynd/Aðsend„Hún var alveg meðvitundarlaus fyrst. Þeir reyna að vekja hana og ekkert gengur og hún sýnir engin viðbrögð. En svo hægt og rólega byrjar hún að svara áreiti og fer eftir þeim fyrirmælum sem læknarnir biðja um,“ segir Anna Helga. „Hún er vöknuð. Verður hrædd, fær hræðsluköst, og er ekki alveg eins og hún á að sér að vera. Maður veit ekki með þessi höfuðhögg, þetta tekur oft svolítinn tíma hvort það hafi orðið einhver varanlegur skaði þar.“ Stefnt er að því að Inga María verði lögð inn á endurhæfingardeild á spítala í Kaupmannahöfn. „Það er langur vegur framundan,“ segir Anna Helga. „En hún fær mjög markvissa og flotta endurhæfingu og það er ekki annað að segja en að allt starfsfólkið og aðbúnaðurinn á þessum spítala sé til fyrirmyndar.“ Peningarnir á þrotum Eftirmálar slyssins og uppihald aðstandenda hafa þó kostað sitt, að sögn Önnu Helgu. Rannveig Vigfúsdóttir, móðir Ingu Maríu, flaug til Kaupmannahafnar strax eftir slysið og hefur dvalið hjá dóttur sinni síðan. Andri, eiginmaður Önnu Helgu, og Vigfús Almar, bróðir Ingu Maríu, flugu út með henni og dvöldu hjá Ingu Maríu fyrstu dagana eftir slysið. Sjálf er Rannveig með bráðaofnæmi fyrir kulda og getur ekki farið á milli húsa yfir veturinn í Danmörku. Hún þarf því að gista á sjúkrahótelinu hjá dóttur sinni. „Hún er einstæð ekkja. Við viljum að hún þurfi ekki að standa í slíkum kostnaði,“ segir Anna Helga. Því hafi verið ákveðið að efna til söfnunarinnar nú. „Við erum búin að vera að hjálpa henni eins og hægt er en við ráðum ekki endalaust við það. Nú er staðan orðin sú að peningarnir eru á þrotum og við viljum náttúrulega gera allt til að hún geti verið hjá dóttur sinni.“Þeir sem vilja styrkja Ingu Maríu og fjölskyldu hennar geta lagt inn á eftirfarandi reikningsnúmer sem skráð er á bróður hennar, Vigfús Almar:Banki: 544-26-62406Kt.: 240688-2559 Fréttin hefur verið uppfærð og lokað fyrir ummæli.
Danmörk Samgönguslys Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Tók upp þegar hann nauðgaði kærustu sinni í tvígang Innlent Getur gosið hvenær sem er Innlent Maðurinn sem kveikti í sjálfum sér látinn Erlent Fluttir á sjúkrahús eftir hópslagsmál í miðborginni Innlent Að taka afstöðu er einkamál hvers og eins Innlent Þjófunum yfirsást taska með milljónum króna Innlent Tilkynnti sig tvisvar til barnaverndar til að fá aðstoð fyrir einhverfa dóttur Innlent Íkveikjan ekki talin hafa beinst að Trump eða réttarhöldunum Erlent Pollrólegur í viðtali í 45 metra hæð yfir borginni Innlent Meðvirkni í garð Katrínar að tjá sig ekki um hana Innlent Fleiri fréttir Meðvirkni í garð Katrínar að tjá sig ekki um hana Fluttir á sjúkrahús eftir hópslagsmál í miðborginni Getur gosið hvenær sem er Að taka afstöðu er einkamál hvers og eins Besti vinur úlfanna hlakkar til að tengjast áhorfendum í Hörpu Pollrólegur í viðtali í 45 metra hæð yfir borginni Tilkynnti sig tvisvar til barnaverndar til að fá aðstoð fyrir einhverfa dóttur Bandarísk þota í vandræðum lenti í Keflavík Þjófunum yfirsást taska með milljónum króna Framkvæmdastjórinn sagður hafa greitt sjálfum sér án heimildar Yfirvofandi eldgos, örvæntingarfull móðir og Hamraborgarþjófarnir Eiga von á öðru eldgosi Maður með kókaín í niðursuðudósum fær mildari dóm Tók upp þegar hann nauðgaði kærustu sinni í tvígang Öllum dómurum skipt út í milljarðamáli fyrrverandi ráðherra Skoðar róttækar breytingar á vaxtabótakerfinu Baldur segir lygasögur ekki hafa nein áhrif á þá Felix Ráðnar aðstoðarmenn nýrrar ríkisstjórnar Átta forsetaefni klár með listana Þórhildur og Heiða María hlutu Hvatningarverðlaun Rannsóknasjóðs Taska stútfull af milljónum króna enn ófundin Ófundin peningataska, aukin spenna í Mið-Austurlöndum og breyting á vaxtabótum Svona var Pallborðið með Baldri, Höllu Hrund og Jóni Guðmundur H. Garðarsson fallinn frá Sakaður um fjölda afbrota: Ungar stúlkur einar heima urðu skelkaðar þegar hann ruddist inn Helga ekki tilbúin að henda inn handklæðinu Kallað út vegna eldamennsku við Stuðlaháls Kæra bónda eftir að 29 naut fundust dauð Straumhvörf í veðrinu Náttúran helsta ástæðan fyrir ferðalögum til Íslands Sjá meira