Ísak í undanúrslit austurríska bikarsins

Ísak Rafnsson og félagar í Tirol eru komnir í undanúrslit austurríska bikarsins eftir sjö marka sigur, 30-23, á SC kelag Ferlach á heimavelli í kvöld.

Ísak og félagar voru öflugir í fyrri hálfleik en þeir voru fimm mörkum yfir er liðin gengu til búningsherbergja. Höfðu leitt allan fyrri hálfleikinn, mest með sex mörkum.

Sama var uppi á teningnum í síðari hálfeik. Ísak og félagar voru mun sterkari aðilinn og sáu gestirnir í raun aldrei til sólar. Munurinn að endingu sjö mörk.

Ísak átti fínan leik fyrir Tirol en hann skoraði þrjú mörk. Hann var einu sinni sendur í kælingu en það eru því Krems, Bregenz, Alpla og Tirol sem leika til undanúrslita í bikarnum.