Lírukassi og kringlur

Aðstandendur skreyttu anddyrið með þýsku skrauti, buðu upp á þýskar veitingar og Björgvin Tómasson lék á lírukassa fyrir og eftir sýningu. Kvikmyndaunnendur létu sig ekki vanta enda tíunda árið í röð sem hátíðin er haldin en það er Goethe-Institut í Danmörku og þýska sendiráðið á Íslandi sem hafa veg og vanda af hátíðinni sem stendur fram til 10. febrúar.

Á hátíðinni má sjá brot af því besta úr þýskri kvikmyndalist með úrvali af sjö sérvöldum nýjum og fjölbreyttum bíóperlum en undir lok hátíðarinnar verður Bíói Paradís breytt í þýskan teknóklúbb með öllu tilheyrandi laugardaginn 9. febrúar.