Febrúarspá Siggu Kling – Hrúturinn: Ert að rísa upp úr hafinu eins og höfrungur

Elsku Hrúturinn minn, ætli það sé tilviljun þú sért Hrútur, eða þú sért í akkúrat þessari vinnu eða skóla? Neeeei, ég trúi ekki á tilviljanir, þetta er búið að mótast fyrir fram sem skilaboð úr huga þínum, orka frá alheiminum og tengist allt þeirri tíðni sem þú ert á. Þetta sagði Albert Einstein, að allt væri tengt við tíðni og manneskjan hefur misjafna tíðni í kringum sig hverju sinni og allt er líka breytilegt.

Þú ert að rísa upp úr hafinu eins og höfrungur að leika lystir sínar, tíðni þín er að hækka og þú að tengjast veröldinni og sjálfum þér á nýjan og betri hátt. Eftir því sem þú vinnur meira verða áhyggjur þínar minni, því vinna er betra en Whisky við áhyggjum.

Í hvert skipti sem þú tekur að þér verkefni, nýja vinnu, eða framkvæmir það sem þér dettur í hug og ræðst á fjallið, ferðu í gegnum það eins og þú sért að taka sprengitöflur, svo öflugur verðurðu. Það verður miklu meiri næmni gagnvart því sem þú snertir, þú finnur skarpari lykt og veist þú getur einungis stólað á sjálfan þig; „Ég er klár, ég er sterkur ég er nóg“.

Þó að nokkur mistök hafi orðið á vegi þínum undanfarið, þá sagði nú einn vitringurinn fyrir langa löngu að engin mistök væru til, en þér hefur samt fundust þau hafi skreytt þinn veg, en nú safnarðu þeim saman eins og timbri og kveikir í og þvílíkur bálköstur!

Þótt þú vinnir hörðum höndum að því sem þú stefnir að þá þarftu ekki alltaf að hafa allt eftir þínu höfði, hlustaðu betur á aðra, hrósaðu meira og gefðu öðrum kredit þótt þeir kannski eigi það ekki skilið. Þú hefur dágott skipulag á óreiðinni í höfðinu á þér og átt það til að borða á hlaupum, sem er bara allt í lagi því það hentar þinni orku og þér. Þessir mánuðir eru svo sannarlega þinn tími, þakkaðu fyrir það. Knús og kossar, Kling.

Frægir Hrútar: Hera Björk Þórhallsdóttir söngkona, Silvía Lovetank listamaður, Björgvin Halldórsson söngvari, Kári Stefánsson vísindamaður, Vigdís Finnbogadóttir, fyrrverandi forseti, Hugh Hefner, Birgitta Jónsdóttir pírati, Anna Svava Knútsdóttir leikkona, Ólöf Erla, grafískur hönnunarsnillingur, Elton John söngvari, Salka Sól súperdrottning, Þóra í Atlanta, Sigmar Guðmundsson sjónvarpsmaður, Berglind Pétursdóttir, Steinunn Jónsdóttir, söngkona AmabAdamA, Þórhallur Þórhallsson uppistandari, Alda í Handy pandy, naglalistakona, Vala Grand, Hjálmar Forni listamaður, Jakob Bjarnar Grétarsson, Elín Björnsdóttir, fyrirlesari og kraftaverkakona, Guðbjörn Alexander Kling fótboltamaður, Theresa Rodriguez listamaður.