Elsku Bogmaðurinn minn, það er ýmislegt sem gerist í lífinu, sumt lætur manni líða illa og annað fær mann til að líða vel og það er búið að vera svo mikið álag að þú veist ekki alveg hvernig þér á að líða.

Þú ert með svo skemmtilegan og skýran huga og lætur skoðanir þínar svo skilmerkilega í ljós að sumum finnst þú kannski ókurteis, en það er vegna þess að þú ert hinn mesti húmoristi og elskar að fíflast og hafa gaman. Fólk skilur þig ekki alltaf, en þér þarf bara að vera skítsama, því ef þú þarft að breyta þér og tala varfærnislega geturðu alveg eins sleppt því að opna munninn.

En þú átt svo sannarlega eftir að ná árangri á þeim forsendum sem þú gefur þér því þú hefur góðan orðaforða og setur allt í rétt samhengi þegar þú vandar þig án þess þó að breyta þér. Það er mjög mikilvægt að vanda sig í þessu lífi, hvort sem það er að vanda sig að vera góður maki, vera góður í vinur eða í vinnu því ef þú gerir það vel og gefur allt sem þú getur, þá gengur allt upp.

Þó þú vitir ekki alveg í hvorn fótinn þú átt að stíga elskan mín, þá finndu jafnvægi og hugsaðu bara um sjálfan þig þó bara það sé ekki nema í korter á dag. Það er búin að vera töluverð ládeyða yfir orkunni þinni eða lífinu þínu, en það er bara eðlilegt, þú ert nýbúinn að eiga afmæli og ert á nýju upphafi. Ef þér finnst þú ekki vera frjáls í kringum vinnuna þína ertu að gera eitthvað vitlaust, en ef þér finnst það séu að opnast nýir möguleikar sem gera líf þitt spennandi þá þarftu að taka áhættu, það geri líf þitt spennandi.

Það er fullt af fólki búið að hafa samband við þig, svo taktu áskorun og segðu já kannski við þeirri sem þú síst vilt, ekki sitja á aftasta bekk og rétta ekki upp hendi þegar þú ert spurður því ef þú gerir það stoppar orka þín. Takmark þitt í lífinu er að elska og dæma ekki því þá fyrst ertu sá meistari sem þú vilt vera. Kossar og knús, Kling.

Frægir Bogmenn: Ingvar E. Sigurðsson leikari, Björgvin Franz Gíslason leikari, Edda Heiðrún Backman leikkona, Regína Ósk Óskarsdóttir söngkona, Sigrún í Gyðja Collection, Steindi, Bryndís Ásmundsdóttir, leik- og söngkona, Jóhanna Vilhjálmsdóttir, fjallkona og leikkona, Logi Bergmann Eiðsson sjónvarpsmaður, Jói á Fabrikkunni, Sigga Dögg kynfræðingur, Hemmi, hársnillingur á Módus, Lovísa, hönnuður hjá Kjólar og konfekt, Kjartan Kjartansson athafnamaður.