Bragðgóðir veislupakkar í ferminguna

Góðar veitingar eru eitt af lykilatriðum góðrar veislu. Mörgum vex þó í augum að vippa upp veitingum fyrir fjölda manns og þá er kjörið að fá fagmenn til verksins.

„Það eina sem fólk þarf að gera er að setja matinn á borðið og bjóða gestum að gjöra svo vel,” segir Guðmundur Óli Sigurjónsson, matreiðslumaður, sem rekur Matarkompaní ásamt Fannari Arnarsyni matreiðslumanni.  Þeir félagar sérhæfa sig í veisluþjónustu og mat fyrir fyrirtæki og bjóða meðal annars tilbúna pakka í fermingarveislur.

„Við bjóðum nokkrar stærðir af veislupökkum, minnst fyrir 25 manns, næsti 50 manna, svo fyrir 75 manns og loks 100 manns og fleiri.

Samsetningin er mismunandi, einfaldasti pakkinn inniheldur til dæmis súpu og brauð ásamt smjöri og pestói sem við búum til sjálfir.

Við bjóðum líka upp á pinnamat og spjót svo sem kjúklingaspjót og parmaskinkuspjót með kirsuberjatómötum og mozarella svo eitthvað sé nefnt. Við erum einnig með heitan mat, hægeldað lambalæri eða nautalund og viðeigandi meðlæti.

Fólk sækir matinn til okkar en við getum líka keyrt matinn á staðinn sé þess óskað.  Við afhendum veislumatinn tilbúinn á snyrtilegum bökkum og súpan kemur í potti sem fólk hefur í láni meðan á veislunni stendur,“  útskýrir Guðmundur.

Séróskir og pantanir eru ekkert vandamál. „Við tökum við öllum fyrirspurnum og ef fólk hefur séróskir um eitthvað annað en tilbúnu pakkana þá græjum við það. Við höfum báðir mikla reynslu og höfum unnið bæði á hótelum og veitingastöðum.“

Til að panta veislupakka er best að fara inn á heimsíðu matarkompani.is. Þar er einnig hægt að kíkja á matseðla vikunnar og skoða úrval veisluþjónustunnar. Gott er að panta með minnst viku fyrirvara.

Sjá nánar á matarkompani.is

Þessi kynning er unnin í samstarfi við Matarkompaní.