Inga Dóra lét blessa hundinn að erlendri fyrirmynd

„Víða erlendis eru hundar og önnur dýr blessuð. Alltaf er talað um hunda sem vini mannsins, hundar eru góð gæludýr og er hluti af fjölskyldunni þá er gott mál að blessa hundanna,“ segir Inga Dóra Bjarnadóttir sem blessaði hund sinn og Bæn Önnu á dögunum.

„Hundar róast mikið eftir að hafa fengið blessun. Blessunin á sér erlenda fyrirmynd innan kristinna og kaþólskra manna, hunda messur hafa verið haldnar árlega í meira en áratug erlendis. Nokkrar kirkjur hafa boðið upp á blessunar daga, kirkjurnar eru Seltjarnarneskirkja og Guðríðarkirkja. Ég blessaði mína í Lindakirkju í Kópavogi, ef þú vilt blessa hundinn þinn er nóg að hafa samband við prest og þið komist af samkomulagi hvernig blessunin skal vera.“

Inga Dóra hefur áður séð páfann í Róm blessa hunda.

„Blessanir gæludýra er tileinkað Antóníusar, verndardýrlings dýra og Rochus, hins kaþólska verndardýrlings hunda. Hunda blessun er nýtt á Íslandi en er víða erlendis, eftir að hafa séð í fjölmiðlum hunda blessanir þá sló ég til og hélt eina sjálf fyrir mína Bæn Önnu mini pincher tík.“

Hún segir að blessunin hafi farið fram í Kapellunni í Lindakirkju í Kópavogi. Séra Guðni Már Harðarson blessaði Bæn Önnu en hún fæddist 12.11.18 og blessunin fór fram 13.01.19.

„Hugguleg stund í kapellunni og Guðni talaði við okkur, sunginn var sálmur og ég hélt á Bæn Önnu og Guðni talaði til okkar og blessaði en ekki var notað vatn. Bænin mín var róleg og góð. Anna amma útbjó blessunar kjól.“