Nýársspá Siggu Kling – Meyjan: Átt eftir að þróa andlegu orkuna þína í sumar

Elsku Meyjan mín þú et með ótrúlega orku yfir þér sem er að heilsa þér á þessu nýja ári, en fyrsti mánuðurinn gefur þér boxhanska og sá næsti á eftir sýnir þér hvernig á að nota þá. Það er algjör óþarfi fyrir þig að vera óttasleginn og hnipra þig í fósturstellingar í janúar, því mars, apríl og maí verða mánuðir frelsis, forystu og fegurðar, eða F-in þrjú!

Þótt þig þyrsti í athygli er það alls ekki svo mikið að þú leggir líf þitt að veði, en auðveldasta leiðin verður aldrei þín, því þú elskar áskoranir og ótroðnar slóðir. Hjarta þitt er eins og tónlistarhúsið Harpan, með vítt til veggja, marga skemmtilega sali þar sem alltaf eitthvað nýtt er að gerast.

Af eins mikilli orku, að þegar þú elskar gerir þú það af lífi og sál og gefur af þér svo mikið að enginn getur skilið hvernig þú ferð að því, en tilfinningar þínar eru svo viðkvæmar að þú manst of vel eftir ljótum eða leiðinlegum orðum sem ættu að vera löngu eydd úr minni þínu. Því að þegar þú verður virkilega særð er eins og allt minni þitt opnist og þú verður svo reið og sár, en það býr aðeins til þreytu og dregur úr þér aflið.

Annars verður þetta svo algjörlega árið þitt og áður en margir mánuðir verða liðnir geturðu sjálf klappað þér á bakið því þú þarft svo sannarlega engan eða nokkuð annað til að sannfæra þig um hver þú ert og hvað þú getur, því þú ert með þetta og þú munt vita það.

Þú átt eftir að þróa andlegu orkuna þína í sumar, jafnvel hugsa um að læra sálfræði og um mannshugann og þér á eftir að finnast það svo heillandi, því þar muntu finna hvar þínir styrkleikar liggja. þú mynt finna þá eflast og ekki gefa veikleikum neina athygli, því það sem fær ekki athygli deyr.

Frægar Meyjur: Ragna Lóa Stefánsdóttir íþróttakona, Manuela Ósk fyrirsæta, Björk Eiðsdóttir ritstýra, Andrea fatalistamaður, Claudia Schiffer fyrirsæta, Edda Björgvinsdóttir leikkona, Eva Dögg Sigurgeirsdóttir, ritstjóri og tískugúrú, Herdís Jóhannesdóttir athafnakona, Beyoncé Knowles söngkona, Gylfi Þór Sigurðsson, Eiður Smári Guðjohnsen, Sigrún Ósk Kristjánsdóttir sjónvarpskona, Annie Mist crossfittari, Logi Pedro Stefánsson tónlistarmaður, Selma Ragnars, fatahönnuður Íslands, Lalli Johns góðkunningi lögreglunnar, Sema Erla Serdar, baráttukona, Eydís Ósk hjúkrunarkona, Raggi Bjarna.