Enginn hefur spilað fleiri landsleiki með Jóni og Hlyn

Hlynur Bæringsson og Jón Arnór Stefánsson kveðja í kvöld íslenska körfuboltalandsliðið eftir nítján ára þjónustu en báðir léku þeir sinn fyrsta landsleik árið 2000.

Síðasti landsleikur þeirra beggja verður á móti Portúgal í Laugardalshöllinni í kvöld. Þetta verður 125. landsleikur Hlyns og 100. landsleikur Jóns Arnórs.

Á þessum nítján árum hafa margir íslenskir körfuboltamenn fengið tækifæri til að spila landsleik með þeim Jóni Arnóri og Hlyni. Alls hafa 68 leikmenn spilað landsleik með Hlyn og 61 hefur náð að spila landsleik með Jóni.

Enginn leikmaður þekkir það þó betur að spila landsleiki með Hlyni eða Jóni en einmitt Njarðvíkingurinn Logi Gunnarsson.

Logi spilaði sjálfur 147. landsleiki á sínum ferli og er fjórði landsleikjahæsti maður sögunnar. Logi kvaddi íslenska landsliðið í fyrra eftir að hafa spilað með því frá árinu 2000 eins og Hlynur og Jón Arnór.

Hlynur og Logi spiluðu nákvæmlega hundrað landsleiki saman og er það 19 leikjum meira en næsthæsti landsliðsfélagi Hlyns sem er Jakob Örn Sigurðarson.

Jón Arnór og Logi spiluðu saman 89 landsleiki en það eru 19 fleiri leikir en Hlynur og Jón spiluðu saman. Hlynur og Jón Arnór spila 71. landsleikinn saman í kvöld og minnka þar með forskotið í átján leiki.

Hér fyrir neðan má sjá þá leikmenn sem hafa spilað flesta landsleiki með Hlyni Bæringssyni og Jóni Arnóri Stefánssyni en þetta er fyrir leikinn á móti Portúgal í kvöld.

Flestir landsleikir spilaðir með Hlyni Bærginssyni:

Logi Gunnarsson    100

Jakob Örn Sigurðarson    81

Helgi Már Magnússon    74

Jón Arnór Stefánsson    70

Haukur Helgi Pálsson    66

Hörður Axel Vilhjálmsson    62

Pavel Ermolinskij    61

Martin Hermannsson    58

Brynjar Þór Björnsson    54

Axel Kárason    52

Ægir Þór Steinarsson    52

Magnús Þór Gunnarsson    46

Sigurður Þorvaldsson    45

Páll Axel Vilbergsson    41

Felstir landsleikir spilaðir með Jóni Arnóri Stefánssyni:

Logi Gunnarsson    89

Hlynur Bæringsson    70

Jakob Örn Sigurðarson    54

Helgi Már Magnússon    50

Friðrik Stefánsson    45

Haukur Helgi Pálsson    45

Pavel Ermolinskij    42

Hörður Axel Vilhjálmsson    40

Ægir Þór Steinarsson    36

Brynjar Þór Björnsson    34

Martin Hermannsson    33

Axel Kárason    33

Sigurður Gunnar Þorsteinsson    31

Fannar Ólafsson    30