Allt loft úr ísfirska ærslabelgnum Stefán Ó. Jónsson skrifar 16. júlí 2019 10:34 Ærslabelgurinn er við hlið Safnahússins í hjarta bæjarins. Ísafjarðarbær Minjastofnun hefur farið þess á leit við Ísafjarðarbæ að viðgerðir á svokölluðum ærslabelg á Eyrartúni verði stöðvaðar. Ærslabelgurinn, sem komið var fyrir við hlið Safnahússins síðastliðið haust, er að sögn starfandi minjavarðar svæðsins innan við 100 metra frá friðlýstum fornminjum og lögum samkvæmt verði Minjastofnun því að gefa grænt ljóst á endurbæturnar. Skiptar skoðanir voru um uppsetningu belgsins meðal íbúa Ísafjarðar á sínum tíma. Þrátt fyrir að hverfisráð Eyrar og Efribyggðar hafi sammælst um staðsetninguna við Safnahúsið, sem er eitt helsta kennileiti bæjarins, voru ekki allir á eitt sáttir. Einhverjum þótti ærslabelgurinn fullnálægt íbúðarhúsum og veltu fyrir sér hvort ekki giltu sérstakar reglur um uppsetningu slíkra leiktækja, enda oft læti í skoppandi börnum sem geta raskað svefnfriði. Hverfisráðið sagði þó að svæðið væri skipulagt í aðalskipulagi og því heimilt að setja belginn upp. Þá voru jafnframt sett tímamörk á tækið í sumar til að girða fyrir næturskopp. Loftdælan hættir nú að blása klukkan 21.30. Því fór svo að lokum að belgurinn var settur upp og var áætlaður kostnaður um 3 milljónir króna. Hins vegar þurfti að slökkva á belgnum síðastliðinn fimmtudag vegna „viðhalds og viðgerða“ og voru áætluð verklok í upphafi þessarar viku. „Þetta mun eflaust kalla fram mismunandi viðbrögð hjá krökkunum sem skemmta sér frábærlega þarna alla daga og munum við drífa í þessu eins og unnt verður,“ eins og segir í færslu Ísafjarðarbæjar. Nú er hins vegar ljóst að áætluð verklok munu frestast eitthvað enda hefur Minjastofnun farið þess á leit við bæjarfélagið að viðgerðirnar verði stöðvaðar. Fram kemur á vef BB að Ísafjarðarbær hafi orðið við þessum tilmælum stofnunarinnar. Það er þó ekki allsendis rétt sem kemur fram á vef héraðsmiðilsins að sögn Ingu Sóleyjar Kristjönudóttir, starfandi minjavarðar svæðisins. Ekki sé búið að banna belginn heldur þess aðeins krafist að viðgerðirnar verði stöðvaðar þangað til að fulltrúar Minjastofnunar mæta á svæðið og gefa grænt ljóst. Hún útskýrir að samkvæmt lögum um minjavernd þurfi að sækja um leyfi til stofnunarinnar ef til stendur að ráðast í framkvæmdir innan við 100 metra frá friðlýstum fornminjum. Það eigi við í tilfelli viðgerðanna á ærslabelgnum sem stendur skammt frá bæjarhólnum við Eyri, sem er friðlýstur. Eyri var höfuðból í Skutulsfirði og hefur í gegnum tíðina verið talin landnámsjörð. Þannig er minnst á Odd Örlygsson í Gísla sögu Súrssonar, sem sagður var búa á Eyri. Inga hjá Minjastofnun segist vona að fulltrúar stofnunarinnar geti tekið út framkvæmdirnar strax í þessari viku. Haft er eftir bæjarritara Ísafjarðar á vef BB að það sé ekki vilji bæjarfélagsins að hrófla við fornminjum. „Við vonumst sannarlega til þess að ungmenni okkar fái að njóta ærslabelgsins það sem eftir lifi sumars og að Minjastofnun geri ekki athugasemd við lagfæringar á honum sem nú standa yfir,“ segir bæjarritari. Fornminjar Ísafjarðarbær Mest lesið Litaðir seðlar til skoðunar og málið á mjög viðkvæmu stigi Innlent Forsetavaktin 2024: Hver verður sjöundi forseti lýðveldisins? Innlent Sagðist ætla að nota tíu milljón króna kókaín allt sjálfur Innlent Sér eftir Landsdómsmálinu: „Ég myndi aldrei gera þetta svona aftur“ Innlent Íslenskar stjörnur fái peninga að gjöf til að leggja undir í veðmálum Innlent „Hinsegin fólk þekkir vel að vera smættað niður í einkalíf sitt“ Innlent Gæti dregið til tíðinda á næstu klukkustundum Innlent Hátíðardagskrá víða um land á verkalýðsdaginn Innlent Hjólastólinn í „tengdamömmuboxi“ á toppi bílsins Innlent Rúður skotnar í spað í verslun innflytjenda Innlent Fleiri fréttir „Hinsegin fólk þekkir vel að vera smættað niður í einkalíf sitt“ Hátíðardagskrá víða um land á verkalýðsdaginn Litaðir seðlar til skoðunar og málið á mjög viðkvæmu stigi Sagðist ætla að nota tíu milljón króna kókaín allt sjálfur Arnór Sighvatsson settur varaseðlabankastjóri fjármálastöðugleika Sér eftir Landsdómsmálinu: „Ég myndi aldrei gera þetta svona aftur“ Íslenskar stjörnur fái peninga að gjöf til að leggja undir í veðmálum Hjólastólinn í „tengdamömmuboxi“ á toppi bílsins Gæti dregið til tíðinda á næstu klukkustundum Fallið frá ráðningarferli og Hermann fylgir Sigurði Inga Allt að fimm milljóna króna sekt á hvern fisk Gamla stjarnan þótti ekki henta nútímakröfum Ekkert eftirlit með veðmálasíðum, landris við Svartsengi og milljónasektir fyrir eldislax Facebook-hakkið hafi ekki áhrif á rannsóknina Hver er Kári Hansen? Nokkurra bíla árekstur á Miklubraut Hafa áhyggjur af fylgistapi flokksins Umferðartafir vegna elds í tengivagni Heimta hundrað milljóna króna tryggingu Engin merki um að kvikuhlaup sé hafið eða að hefjast Gæsluvarðhald beggja framlengt Rúður skotnar í spað í verslun innflytjenda Leggja til kröfu um sólarsellur á þaki nýbygginga Úrskurðaður í síbrotagæslu eftir ofsaaksturinn Svona var Pallborðið með Helgu Þóris og Eiríki Inga Birna sett sýslumaður á Vesturlandi Segir ekkert „dramatískt“ að frétta af eldgosinu Umdeildu frumvarpi um lagareldi breytt Matvælaráðherra segir fiskeldisfrumvarp mikla bragarbót fyrir umhverfið Quang Le hakkaður á Facebook Sjá meira
Minjastofnun hefur farið þess á leit við Ísafjarðarbæ að viðgerðir á svokölluðum ærslabelg á Eyrartúni verði stöðvaðar. Ærslabelgurinn, sem komið var fyrir við hlið Safnahússins síðastliðið haust, er að sögn starfandi minjavarðar svæðsins innan við 100 metra frá friðlýstum fornminjum og lögum samkvæmt verði Minjastofnun því að gefa grænt ljóst á endurbæturnar. Skiptar skoðanir voru um uppsetningu belgsins meðal íbúa Ísafjarðar á sínum tíma. Þrátt fyrir að hverfisráð Eyrar og Efribyggðar hafi sammælst um staðsetninguna við Safnahúsið, sem er eitt helsta kennileiti bæjarins, voru ekki allir á eitt sáttir. Einhverjum þótti ærslabelgurinn fullnálægt íbúðarhúsum og veltu fyrir sér hvort ekki giltu sérstakar reglur um uppsetningu slíkra leiktækja, enda oft læti í skoppandi börnum sem geta raskað svefnfriði. Hverfisráðið sagði þó að svæðið væri skipulagt í aðalskipulagi og því heimilt að setja belginn upp. Þá voru jafnframt sett tímamörk á tækið í sumar til að girða fyrir næturskopp. Loftdælan hættir nú að blása klukkan 21.30. Því fór svo að lokum að belgurinn var settur upp og var áætlaður kostnaður um 3 milljónir króna. Hins vegar þurfti að slökkva á belgnum síðastliðinn fimmtudag vegna „viðhalds og viðgerða“ og voru áætluð verklok í upphafi þessarar viku. „Þetta mun eflaust kalla fram mismunandi viðbrögð hjá krökkunum sem skemmta sér frábærlega þarna alla daga og munum við drífa í þessu eins og unnt verður,“ eins og segir í færslu Ísafjarðarbæjar. Nú er hins vegar ljóst að áætluð verklok munu frestast eitthvað enda hefur Minjastofnun farið þess á leit við bæjarfélagið að viðgerðirnar verði stöðvaðar. Fram kemur á vef BB að Ísafjarðarbær hafi orðið við þessum tilmælum stofnunarinnar. Það er þó ekki allsendis rétt sem kemur fram á vef héraðsmiðilsins að sögn Ingu Sóleyjar Kristjönudóttir, starfandi minjavarðar svæðisins. Ekki sé búið að banna belginn heldur þess aðeins krafist að viðgerðirnar verði stöðvaðar þangað til að fulltrúar Minjastofnunar mæta á svæðið og gefa grænt ljóst. Hún útskýrir að samkvæmt lögum um minjavernd þurfi að sækja um leyfi til stofnunarinnar ef til stendur að ráðast í framkvæmdir innan við 100 metra frá friðlýstum fornminjum. Það eigi við í tilfelli viðgerðanna á ærslabelgnum sem stendur skammt frá bæjarhólnum við Eyri, sem er friðlýstur. Eyri var höfuðból í Skutulsfirði og hefur í gegnum tíðina verið talin landnámsjörð. Þannig er minnst á Odd Örlygsson í Gísla sögu Súrssonar, sem sagður var búa á Eyri. Inga hjá Minjastofnun segist vona að fulltrúar stofnunarinnar geti tekið út framkvæmdirnar strax í þessari viku. Haft er eftir bæjarritara Ísafjarðar á vef BB að það sé ekki vilji bæjarfélagsins að hrófla við fornminjum. „Við vonumst sannarlega til þess að ungmenni okkar fái að njóta ærslabelgsins það sem eftir lifi sumars og að Minjastofnun geri ekki athugasemd við lagfæringar á honum sem nú standa yfir,“ segir bæjarritari.
Fornminjar Ísafjarðarbær Mest lesið Litaðir seðlar til skoðunar og málið á mjög viðkvæmu stigi Innlent Forsetavaktin 2024: Hver verður sjöundi forseti lýðveldisins? Innlent Sagðist ætla að nota tíu milljón króna kókaín allt sjálfur Innlent Sér eftir Landsdómsmálinu: „Ég myndi aldrei gera þetta svona aftur“ Innlent Íslenskar stjörnur fái peninga að gjöf til að leggja undir í veðmálum Innlent „Hinsegin fólk þekkir vel að vera smættað niður í einkalíf sitt“ Innlent Gæti dregið til tíðinda á næstu klukkustundum Innlent Hátíðardagskrá víða um land á verkalýðsdaginn Innlent Hjólastólinn í „tengdamömmuboxi“ á toppi bílsins Innlent Rúður skotnar í spað í verslun innflytjenda Innlent Fleiri fréttir „Hinsegin fólk þekkir vel að vera smættað niður í einkalíf sitt“ Hátíðardagskrá víða um land á verkalýðsdaginn Litaðir seðlar til skoðunar og málið á mjög viðkvæmu stigi Sagðist ætla að nota tíu milljón króna kókaín allt sjálfur Arnór Sighvatsson settur varaseðlabankastjóri fjármálastöðugleika Sér eftir Landsdómsmálinu: „Ég myndi aldrei gera þetta svona aftur“ Íslenskar stjörnur fái peninga að gjöf til að leggja undir í veðmálum Hjólastólinn í „tengdamömmuboxi“ á toppi bílsins Gæti dregið til tíðinda á næstu klukkustundum Fallið frá ráðningarferli og Hermann fylgir Sigurði Inga Allt að fimm milljóna króna sekt á hvern fisk Gamla stjarnan þótti ekki henta nútímakröfum Ekkert eftirlit með veðmálasíðum, landris við Svartsengi og milljónasektir fyrir eldislax Facebook-hakkið hafi ekki áhrif á rannsóknina Hver er Kári Hansen? Nokkurra bíla árekstur á Miklubraut Hafa áhyggjur af fylgistapi flokksins Umferðartafir vegna elds í tengivagni Heimta hundrað milljóna króna tryggingu Engin merki um að kvikuhlaup sé hafið eða að hefjast Gæsluvarðhald beggja framlengt Rúður skotnar í spað í verslun innflytjenda Leggja til kröfu um sólarsellur á þaki nýbygginga Úrskurðaður í síbrotagæslu eftir ofsaaksturinn Svona var Pallborðið með Helgu Þóris og Eiríki Inga Birna sett sýslumaður á Vesturlandi Segir ekkert „dramatískt“ að frétta af eldgosinu Umdeildu frumvarpi um lagareldi breytt Matvælaráðherra segir fiskeldisfrumvarp mikla bragarbót fyrir umhverfið Quang Le hakkaður á Facebook Sjá meira