Stílhrein hönnun fyrir heimilið

„Búðin er stútfull af fallegum vörum og brjálað að gera hjá okkur. Við vorum til dæmis að fá í hús stóra sendingu af sófum frá Primavera. Þessir sófar renna út eins og heitar lummur,“ Segir Díana Bjarnadóttir, sérfræðingur á sviði útlits- og innanhússhönnunar hjá Vogue fyrir heimilið.

Sófarnir frá Primavera eru afar stílhreinir, beinar línur og útlitið sígilt. Primavera er dönsk gæða hönnun, framleidd í Evrópu.

„Þetta útlit er mjög vinsælt í dag en sófarnir eru bæði með fín-flauels áklæði og leðri. Við eigum til stóla og allt upp í fjögurra sæta sófa frá þessum framleiðanda. Auk þess er mjög vinsælt að kaupa staka koll/pullu sem hægt er að nýta sem stakt sæti, sófaborð eða bæta við sem tungu á sófann,“ segir Díana.

„Vinsælustu litirnir eru gráir og hlutlausir tónar en þó er sinnepsgulur að koma sterkur inn. Íslendingar eru óhræddir við liti og hrista oft upp í litasamsetningunni á heimilinu með því að bæta stökum stólum við í áberandi lit,“ segir hún og hvetur þá sem eru í sófahugleiðingum fyrir jólin til að kíkja við í versluninni að Síðumúla 30. Nóg er til á lagernum og enginn biðtími.

„Við eigum gríðarlega mikið úrval af sófum frá ólíkum framleiðendum. Allir eiga það þó sameiginlegt að vera vandaðir, sterkir og endingargóðir og ofboðslega fallegir,“ segir Díana.

Sjá nánar úrvalið á www.vogue.is



 

Þessi kynning er unnin í samstarfi við Vogue fyrir heimilið.