Erlend ríki reyna að notfæra sér tengdason Trump Kjartan Kjartansson skrifar 28. febrúar 2018 13:15 Kushner með Nikki Haley, sendifulltrúa Bandaríkjanna, í öryggisráði Sameinuðu þjóðanna. Þrátt fyrir að hafa enga reynslu af opinberum erindrekstri treysti Trump forseti tengdasyni sínum fyrir fjölda umfangsmikilla verkefna fyrir ríkisstjórnina. Vísir/AFP Fulltrúar erlendra ríkja hafa reynt að notfæra sér veikleika Jareds Kushner, tengdasonar Donalds Trump Bandaríkjaforseta. Kushner hefur valdið leyniþjónustunni áhyggjum með samskiptum við erlenda aðila sem hann hefur ekki gefið upp. Á sama tíma er kastljós rannsóknar sérstaks rannsakanda dómsmálaráðuneytisins sagt beinast að viðskiptum Trump í Rússlandi áður en hann bauð sig fram.Washington Post segir að embættismenn að minnsta kosti fjögurra erlendra ríkja, Sameinuðu arabísku furstadæmanna, Kína, Ísraels og Mexíkó hafi rætt um hvernig þeir gætu nýtt sér flókið net viðskiptahagsmuna Kushner, fjárhagserfiðleika og reynsluleysi í utanríkismálum til að ná taki á honum og hafa áhrif á hann. Samskipti Kushner við embætismenn sumra ríkja eru á meðal orsaka þess að hann hefur ekki fengið varanlega öryggisheimild. Greint var frá því í gær að tímabundin öryggisheimild Kushner hefði verið lækkuð og hefur hann því ekki lengur aðgang að sömu trúnaðarupplýsingunum og hann hafði áður. Þá segir blaðið að H.R. McMaster, þjóðaröryggisráðgjafi Trump, hafi komist að því nýlega að Kushner hefði átt í samskiptum við erlenda embættismenn án þess að láta Þjóðaröryggisráðið vita eða skrá þau samskipti opinberlega. Ekki er þó ljóst hvort að ríkin hafi hrint aðgerðum í framkvæmd til að notfæra sér þessa veikleika Kushner.Fjárhagserfiðleikar í tengslum við fasteignaverkefni Óttast menn innan Hvíta hússins að erlend ríki gætu nýtt sér reynsluleysi Kushner og skuldir fyrirtækja sem hann tengist til að fá sínu framgegnt gagnvart honum. Trump hefur treyst tengdasyni sínum fyrir aragrúa verkefna, þar á meðal að vinna að friðarumleitunum fyrir botni Miðjarðarhafs. Ekki síst er það fasteignaverkefni fjölskyldufyrirtækis Kushner í New York sem hefur vakið upp spurningar. Verkefnið, sem varðar skrifstofubyggingu í borginni, hefur verið í fjárhagslegum erfiðleikum. Fyrirtækið er sagt hafa fengið 1,2 milljarða dollara lánaða fyrir kaupum á byggingunni og er lánið á gjalddaga í janúar á næsta ári.Robert Mueller, sérstakur saksóknari dómsmálaráðuneytisins, virðist fikra sig nær Trump forseta og fjármálum hans í rannsókn sinni. Það gæti gert árekstur á milli hans og forsetans óhjákvæmilegan í framtíðinni.Vísir/GettyÞannig vann Kushner að því að reyna að tryggja verkefninu fjármögnun frá erlendum aðilum á sama tíma og hann var einn stjórnenda forsetaframboðs tengdaföður síns. Hitti hann meðal annars athafnamenn frá Kína og Katar en án árangurs. Einnig hefur fundur Kushner með Sergei Gorkov, bankastjóra rússneska bankans Vnesheconombank í desember 2016, mánuði eftir kjör Trump, vakið umtal. Bankinn segir þá hafa rætt um viðskipti en Kushner sagði Bandaríkjaþingi að þeir hefðu ekki rætt um neitt sem varðaði fjölskyldufyrirtæki hans. Kushner lagði eignarhlut sinn í fjölskyldufyrirtækinu inn í sjóð sem fjölskylda hans stjórnar þegar hann hóf störf fyrir Hvíta húsið.Spyrja út í viðskipti og atburði í Rússlandi Það eru ekki aðeins viðskipti Kushner sem valda ríkisstjórn Trump vandræðum heldur forsetans sjálfs. CNN-fréttastöðin hefur eftir heimildarmönnum sínum að rannsakendur Mueller spyrji nú vitni út í viðskipti Donalds Trump í Rússlandi áður en hann bauð sig fram til forseta. Þeir hafa meðal annars viljað vita hvenær Trump ákvað að bjóða sig fram og hvort Rússar gætu haft skaðlegar upplýsingar um hann. Spurningarnar þykja benda til þess að Mueller sé að kanna hvernig Rússar kunni að hafa reynt að hafa áhrif á Trump þegar hann vann að verkefnum í Moskvu á sama tíma og hann var farinn að huga að forsetaframboði. Margar þeirra hafa beinst að ferð Trump til Moskvu árið 2013 þegar fegurðarsamkeppnin Ungfrú alheimur fór fram þar. Á sama tíma vann Trump að því að koma nafni sínu á háhýsi í borginni. Þau áform fóru þó út um þúfur. Það var í þeirri ferð sem safaríkustu sögurnar um Trump og Rússa eiga að hafa átt sér stað en þeim var meðal annars lýst í umdeildri skýrslu Christopher Steele, bresks fyrrverandi njósnara. Í ferðinni hitti Trump feðgana Aras og Emin Agalarov, fasteignamógúla og milljarðamæringa. Þeir höfðu síðar milligöngu um alræmdan fund elsta sonar Trump, Kushner og Pauls Manafort, þáverandi kosningastjóra framboðsins í Trump-turninum í júní 2016. Þar hittu þeir Rússa sem höfðu lofað þeim skaðlegum upplýsingum um Hillary Clinton. Trump með Agalarov-feðgunum á Ungfrú alheimskeppninni árið 2013. Sonurinn hafði síðar milligöngu um fund Trump-framboðsins með Rússum sem lofuðu skaðlegum upplýsingum um Hillary Clinton.Vísir/GettyRannsakendur Mueller eru meðal annars sagðir hafa spurt vitni að því hverjir hefðu haft aðgang að hótelherbergi Trump í Moskvu og hverjir voru í föruneyti hans. Þetta telur heimildarmaður CNN benda til þess að Mueller sé að reyna að komast til botns í hvort að Rússir hafi skaðlegar upplýsingar um Trump. Trump hefur áður sagt að hann telji að Mueller hafi ekki heimild til að rannsaka fjármál sín. Hann myndi líta á það sem „brot“ af hálfu rannsakandans. Forsetinn hefur ítrekað kallað rannsóknina „nornaveiðar“ og reyndi að reka Mueller í fyrra. Bandaríkin Donald Trump Katar Mexíkó Rússarannsóknin Tengdar fréttir Öryggisheimild tengdasonarins afturkölluð Jared Kushner, tengdasonur Donald Trump og einn af hans helstu ráðgjöfum, fær ekki lengur aðgang að háleynilegum skjölum og gögnum í starfi sínu, eftir að öryggisheimild hans var lækkuð. 27. febrúar 2018 23:30 Mueller hefur áhuga á fjármálum tengdasonar Bandaríkjaforseta Jared Kushner var aðaltengiliður undirbúningsnefndar fyrir valdatöku Donalds Trump við erlendar ríkisstjórnar. Á sama tíma stóð hann í viðræðum við erlenda aðila um fjármögnun fyrir fjölskyldufyrirtæki sitt. 19. febrúar 2018 22:30 Hvíta húsið vill ekki segja hvort öryggisheimildir hafi verið afturkallaðar Tengdasonur og dótir Trump forseta eru á meðal þeirra sem hafa aðeins haft tímabundna öryggisheimild um margra mánaða skeið. 27. febrúar 2018 16:45 Mest lesið „Nú á dögunum tók sonur minn líf sitt innan veggja fangelsisins“ Innlent Viðtal á Stöð 2 kveikir upp í færeyskum stjórnmálum Erlent Staldraði við þegar talað var um fóstur sem frumuklasa Innlent Skólastjóradrama í Kóraskóla fær óvæntan endi Innlent Einhver í herberginu segi ekki satt Innlent Svona voru kappræður sex efstu í baráttunni um Bessastaði Innlent Baldur vinsælasta plan B Innlent Fara fram á farbann Innlent Spánverjar neita skipi með vopn innanborðs um að leggja að bryggju Erlent Gríðarleg fjölgun á dvalarleyfum til Víetnama á grundvelli sérfræðiþekkingar Innlent Fleiri fréttir Segir Rússa ekki hafa í hyggju að taka Kharkív Viðtal á Stöð 2 kveikir upp í færeyskum stjórnmálum Reyndi að kveikja í bænahúsi gyðinga og var skotinn til bana Spánverjar neita skipi með vopn innanborðs um að leggja að bryggju „Einfari“ ákærður fyrir tilræðið við Fico Hver er Robert Fico? Neyðarástandi lýst yfir á Nýju-Kaledóníu eftir miklar óeirðir Ágreiningur innan stjórnarinnar brýst upp á yfirborðið Hægriflokkar ná saman um myndun ríkisstjórnar Samið um kappræður í júní og september Fico ekki talinn í lífshættu Þróun ES-30 flugvélarinnar flutt frá Svíþjóð til Kaliforníu Þetta er vitað um árásarmanninn Biden skorar á Trump Forsætisráðherra Slóvakíu í lífshættu eftir skotárás Þverpólitískar tillögur um viðbrögð vegna gervigreindar FIFA byrjað að vinda ofan af umbótum eftir spillingarhneykslið Fulltrúar Talíbana á ráðstefnu í Ósló Fyrsta opinbera málverkið af konunginum Karli III afhjúpað í gær Gróðureldar ógna olíuvinnslumiðstöð í Kanada Gríðarleg leit gerð að mönnum sem frelsuðu fanga í Frakklandi Skriðdrekar Ísraelshers komnir inn í íbúðahverfi í Rafah Framámaður AfD sektaður fyrir að nota slagorð nasista Vill bjóða NATO að byggja nýjan flugvöll í Færeyjum Þorir að veðja bjór á að hún verði áfram forsætisráðherra Lokað á grein um barnadráp í Bretlandi Drápu fangaverði og hjálpuðu fanga að strjúka „Rússnesku lögin“ samþykkt í Georgíu Bendlaði Trump beint við þagnargreiðslurnar Losnar af réttargeðdeild eftir allt saman Sjá meira
Fulltrúar erlendra ríkja hafa reynt að notfæra sér veikleika Jareds Kushner, tengdasonar Donalds Trump Bandaríkjaforseta. Kushner hefur valdið leyniþjónustunni áhyggjum með samskiptum við erlenda aðila sem hann hefur ekki gefið upp. Á sama tíma er kastljós rannsóknar sérstaks rannsakanda dómsmálaráðuneytisins sagt beinast að viðskiptum Trump í Rússlandi áður en hann bauð sig fram.Washington Post segir að embættismenn að minnsta kosti fjögurra erlendra ríkja, Sameinuðu arabísku furstadæmanna, Kína, Ísraels og Mexíkó hafi rætt um hvernig þeir gætu nýtt sér flókið net viðskiptahagsmuna Kushner, fjárhagserfiðleika og reynsluleysi í utanríkismálum til að ná taki á honum og hafa áhrif á hann. Samskipti Kushner við embætismenn sumra ríkja eru á meðal orsaka þess að hann hefur ekki fengið varanlega öryggisheimild. Greint var frá því í gær að tímabundin öryggisheimild Kushner hefði verið lækkuð og hefur hann því ekki lengur aðgang að sömu trúnaðarupplýsingunum og hann hafði áður. Þá segir blaðið að H.R. McMaster, þjóðaröryggisráðgjafi Trump, hafi komist að því nýlega að Kushner hefði átt í samskiptum við erlenda embættismenn án þess að láta Þjóðaröryggisráðið vita eða skrá þau samskipti opinberlega. Ekki er þó ljóst hvort að ríkin hafi hrint aðgerðum í framkvæmd til að notfæra sér þessa veikleika Kushner.Fjárhagserfiðleikar í tengslum við fasteignaverkefni Óttast menn innan Hvíta hússins að erlend ríki gætu nýtt sér reynsluleysi Kushner og skuldir fyrirtækja sem hann tengist til að fá sínu framgegnt gagnvart honum. Trump hefur treyst tengdasyni sínum fyrir aragrúa verkefna, þar á meðal að vinna að friðarumleitunum fyrir botni Miðjarðarhafs. Ekki síst er það fasteignaverkefni fjölskyldufyrirtækis Kushner í New York sem hefur vakið upp spurningar. Verkefnið, sem varðar skrifstofubyggingu í borginni, hefur verið í fjárhagslegum erfiðleikum. Fyrirtækið er sagt hafa fengið 1,2 milljarða dollara lánaða fyrir kaupum á byggingunni og er lánið á gjalddaga í janúar á næsta ári.Robert Mueller, sérstakur saksóknari dómsmálaráðuneytisins, virðist fikra sig nær Trump forseta og fjármálum hans í rannsókn sinni. Það gæti gert árekstur á milli hans og forsetans óhjákvæmilegan í framtíðinni.Vísir/GettyÞannig vann Kushner að því að reyna að tryggja verkefninu fjármögnun frá erlendum aðilum á sama tíma og hann var einn stjórnenda forsetaframboðs tengdaföður síns. Hitti hann meðal annars athafnamenn frá Kína og Katar en án árangurs. Einnig hefur fundur Kushner með Sergei Gorkov, bankastjóra rússneska bankans Vnesheconombank í desember 2016, mánuði eftir kjör Trump, vakið umtal. Bankinn segir þá hafa rætt um viðskipti en Kushner sagði Bandaríkjaþingi að þeir hefðu ekki rætt um neitt sem varðaði fjölskyldufyrirtæki hans. Kushner lagði eignarhlut sinn í fjölskyldufyrirtækinu inn í sjóð sem fjölskylda hans stjórnar þegar hann hóf störf fyrir Hvíta húsið.Spyrja út í viðskipti og atburði í Rússlandi Það eru ekki aðeins viðskipti Kushner sem valda ríkisstjórn Trump vandræðum heldur forsetans sjálfs. CNN-fréttastöðin hefur eftir heimildarmönnum sínum að rannsakendur Mueller spyrji nú vitni út í viðskipti Donalds Trump í Rússlandi áður en hann bauð sig fram til forseta. Þeir hafa meðal annars viljað vita hvenær Trump ákvað að bjóða sig fram og hvort Rússar gætu haft skaðlegar upplýsingar um hann. Spurningarnar þykja benda til þess að Mueller sé að kanna hvernig Rússar kunni að hafa reynt að hafa áhrif á Trump þegar hann vann að verkefnum í Moskvu á sama tíma og hann var farinn að huga að forsetaframboði. Margar þeirra hafa beinst að ferð Trump til Moskvu árið 2013 þegar fegurðarsamkeppnin Ungfrú alheimur fór fram þar. Á sama tíma vann Trump að því að koma nafni sínu á háhýsi í borginni. Þau áform fóru þó út um þúfur. Það var í þeirri ferð sem safaríkustu sögurnar um Trump og Rússa eiga að hafa átt sér stað en þeim var meðal annars lýst í umdeildri skýrslu Christopher Steele, bresks fyrrverandi njósnara. Í ferðinni hitti Trump feðgana Aras og Emin Agalarov, fasteignamógúla og milljarðamæringa. Þeir höfðu síðar milligöngu um alræmdan fund elsta sonar Trump, Kushner og Pauls Manafort, þáverandi kosningastjóra framboðsins í Trump-turninum í júní 2016. Þar hittu þeir Rússa sem höfðu lofað þeim skaðlegum upplýsingum um Hillary Clinton. Trump með Agalarov-feðgunum á Ungfrú alheimskeppninni árið 2013. Sonurinn hafði síðar milligöngu um fund Trump-framboðsins með Rússum sem lofuðu skaðlegum upplýsingum um Hillary Clinton.Vísir/GettyRannsakendur Mueller eru meðal annars sagðir hafa spurt vitni að því hverjir hefðu haft aðgang að hótelherbergi Trump í Moskvu og hverjir voru í föruneyti hans. Þetta telur heimildarmaður CNN benda til þess að Mueller sé að reyna að komast til botns í hvort að Rússir hafi skaðlegar upplýsingar um Trump. Trump hefur áður sagt að hann telji að Mueller hafi ekki heimild til að rannsaka fjármál sín. Hann myndi líta á það sem „brot“ af hálfu rannsakandans. Forsetinn hefur ítrekað kallað rannsóknina „nornaveiðar“ og reyndi að reka Mueller í fyrra.
Bandaríkin Donald Trump Katar Mexíkó Rússarannsóknin Tengdar fréttir Öryggisheimild tengdasonarins afturkölluð Jared Kushner, tengdasonur Donald Trump og einn af hans helstu ráðgjöfum, fær ekki lengur aðgang að háleynilegum skjölum og gögnum í starfi sínu, eftir að öryggisheimild hans var lækkuð. 27. febrúar 2018 23:30 Mueller hefur áhuga á fjármálum tengdasonar Bandaríkjaforseta Jared Kushner var aðaltengiliður undirbúningsnefndar fyrir valdatöku Donalds Trump við erlendar ríkisstjórnar. Á sama tíma stóð hann í viðræðum við erlenda aðila um fjármögnun fyrir fjölskyldufyrirtæki sitt. 19. febrúar 2018 22:30 Hvíta húsið vill ekki segja hvort öryggisheimildir hafi verið afturkallaðar Tengdasonur og dótir Trump forseta eru á meðal þeirra sem hafa aðeins haft tímabundna öryggisheimild um margra mánaða skeið. 27. febrúar 2018 16:45 Mest lesið „Nú á dögunum tók sonur minn líf sitt innan veggja fangelsisins“ Innlent Viðtal á Stöð 2 kveikir upp í færeyskum stjórnmálum Erlent Staldraði við þegar talað var um fóstur sem frumuklasa Innlent Skólastjóradrama í Kóraskóla fær óvæntan endi Innlent Einhver í herberginu segi ekki satt Innlent Svona voru kappræður sex efstu í baráttunni um Bessastaði Innlent Baldur vinsælasta plan B Innlent Fara fram á farbann Innlent Spánverjar neita skipi með vopn innanborðs um að leggja að bryggju Erlent Gríðarleg fjölgun á dvalarleyfum til Víetnama á grundvelli sérfræðiþekkingar Innlent Fleiri fréttir Segir Rússa ekki hafa í hyggju að taka Kharkív Viðtal á Stöð 2 kveikir upp í færeyskum stjórnmálum Reyndi að kveikja í bænahúsi gyðinga og var skotinn til bana Spánverjar neita skipi með vopn innanborðs um að leggja að bryggju „Einfari“ ákærður fyrir tilræðið við Fico Hver er Robert Fico? Neyðarástandi lýst yfir á Nýju-Kaledóníu eftir miklar óeirðir Ágreiningur innan stjórnarinnar brýst upp á yfirborðið Hægriflokkar ná saman um myndun ríkisstjórnar Samið um kappræður í júní og september Fico ekki talinn í lífshættu Þróun ES-30 flugvélarinnar flutt frá Svíþjóð til Kaliforníu Þetta er vitað um árásarmanninn Biden skorar á Trump Forsætisráðherra Slóvakíu í lífshættu eftir skotárás Þverpólitískar tillögur um viðbrögð vegna gervigreindar FIFA byrjað að vinda ofan af umbótum eftir spillingarhneykslið Fulltrúar Talíbana á ráðstefnu í Ósló Fyrsta opinbera málverkið af konunginum Karli III afhjúpað í gær Gróðureldar ógna olíuvinnslumiðstöð í Kanada Gríðarleg leit gerð að mönnum sem frelsuðu fanga í Frakklandi Skriðdrekar Ísraelshers komnir inn í íbúðahverfi í Rafah Framámaður AfD sektaður fyrir að nota slagorð nasista Vill bjóða NATO að byggja nýjan flugvöll í Færeyjum Þorir að veðja bjór á að hún verði áfram forsætisráðherra Lokað á grein um barnadráp í Bretlandi Drápu fangaverði og hjálpuðu fanga að strjúka „Rússnesku lögin“ samþykkt í Georgíu Bendlaði Trump beint við þagnargreiðslurnar Losnar af réttargeðdeild eftir allt saman Sjá meira
Öryggisheimild tengdasonarins afturkölluð Jared Kushner, tengdasonur Donald Trump og einn af hans helstu ráðgjöfum, fær ekki lengur aðgang að háleynilegum skjölum og gögnum í starfi sínu, eftir að öryggisheimild hans var lækkuð. 27. febrúar 2018 23:30
Mueller hefur áhuga á fjármálum tengdasonar Bandaríkjaforseta Jared Kushner var aðaltengiliður undirbúningsnefndar fyrir valdatöku Donalds Trump við erlendar ríkisstjórnar. Á sama tíma stóð hann í viðræðum við erlenda aðila um fjármögnun fyrir fjölskyldufyrirtæki sitt. 19. febrúar 2018 22:30
Hvíta húsið vill ekki segja hvort öryggisheimildir hafi verið afturkallaðar Tengdasonur og dótir Trump forseta eru á meðal þeirra sem hafa aðeins haft tímabundna öryggisheimild um margra mánaða skeið. 27. febrúar 2018 16:45