Ríkisútvarpið sýknað af kröfum Adolfs Inga

Hæstiréttur Íslands sýknaði í dag Ríkisútvarpið af kröfum Adolfs Inga Erlingssonar, fyrrverandi íþróttafréttamanns hjá Ríkisútvarpinu. Hann höfðaði mál gegn Ríkisútvarpinu og reisti kröfur sínar annars vegar á því að hann hefði mátt sæta einleti af hálfu yfirmanns síns og hins vegar að á því að uppsögn hans hefði verið ólögmæt.

Úrskurður Hæstaréttar snýr við dómi héraðsdóms Reykjavíkur sem, 5. júlí í fyrra, dæmdi Ríkisútvarpið til að greiða Adolf 2,2 milljónir króna í skaðabætur auk málskostnaðar. Ríkisútvarpið áfrýjaði dómi héraðsdóms til Hæstaréttar sem komst að þeirri niðurstöðu að það væri óumdeilt að honum hefði verið sagt upp vegna aðhaldsaðgerða í rekstri Ríkisútvarpsins og hefði uppsögn hans verið liður í því.

Adolf Ingi var rekinn árið 2013 eftir 22 ár í starfi. Hann segir að þáverandi íþróttafréttastjóri hafi markvisst útilokað hann frá kappleikjalýsingum og verið færður til af starfsstöð sinni.

Hæstiréttur hefur ekki fallist á að uppsögnin hafi verið ólögmæt og fjárkröfum Adolfs því hafnað.