Manngerð laug ekki náttúruleg

Úrskurðarnefnd umhverfis- og auðlindamála (ÚUA) hefur hafnað kröfu Laugarvatns Fontana um starfsleyfi fyrir náttúrulaug. Með því er niðurstaða Heilbrigðiseftirlits Suðurlands staðfest.

Synjað er vegna þess að laugin er manngerð. Forsvarsmenn Fontana töldu að þótt laugarstæðið væri manngert þá rynni náttúruvatn óhindrað og án allra viðbættra efna í laugina.

Þar sem laugin flokkaðist ekki sem náttúrulaug var fyrirtækinu gert að koma fyrir í henni búnaði til að sótthreinsa vatnið í samræmi við reglur um hollustuhætti.