Cardi B gerði James Corden ítrekað orðlausan í Carpool Karaoke

Ein vinsælasta tónlistarkona heims Cardi B er nýjasti gestur James Corden í dagskráliðnum vinsæla Carpool Karaoke.

Saman fóru þau á rúntinn um Los Angeles og sungu vinsælustu lög Cardi B, svona eins og vaninn er.

Cardi B ræddi um uppvaxtarárin í Bronx hverfinu í New York en Cardi B starfaði á sínum tíma sem strippari.

Það má með sanni segja að rapparinn hafi farið á kostum í innslaginu og varð Bretinn oft á tíðum orðlaus en Cardi B er þekkt fyrir að vera virkilega skemmtilegur karakter.

Og svo kom í ljós að hún er ekki góður bílstjóri og er ekki einu sinni með bílpróf. Hún á reyndar bíla en það er bara til þess að taka myndir af sér með þeim.

Cardi B fékk reyndar að æfa sig að keyra með Corden og gekk það ekkert sérstaklega vel eins og sjá má hér að neðan.