Lögreglan á Suðurlandi fór í dag fram á að maður sem grunaður er um aðild að bruna við Kirkjuveg 18 á Selfossi fyrir viku síðan sæti áframhaldandi gæsluvarðhaldi til 29. nóvember næstkomandi. Krafan er gerð á grundvelli almannahagsmuna en lögregla telur uppi rökstuddan grun um að maðurinn hafi valdið eldsvoðanum þar sem tvö létust.
Dómari tók sér frest til klukkan 11:30 á morgun til að kveða upp úrskurð um kröfuna.
Landsréttur felldi í gær úr gildi gæsluvarðhald yfir konu sem var handtekin vegna málsins ásamt manninum. Hún afplánar nú fangelsisrefsingu vegna eldri dóms en hefur enn stöðu sakbornings í málinu. Konan verður yfirheyrð á morgun.
Farið fram á fjögurra vikna gæsluvarðhald vegna gruns um íkveikju
Tengdar fréttir
Bruninn á Selfossi: Hin grunuðu yfirheyrð í dag
Lögreglan á Suðurlandi mun síðar í dag yfirheyra manninn og konuna sem úrskurðuð voru í gæsluvarðhald í liðinni viku vegna brunans við Kirkjuveg 18 á Selfossi.
Rannsókn á bruna á Selfossi á viðkvæmu stigi
Lögreglan á Suðurlandi vinnur áfram að rannsókn bruna sem kom upp í húsi við Kirkjuveg 18 á Selfossi síðastliðinn miðvikudag.
Hvetja fólk til að halda sig frá rústunum við Kirkjuveg
Veðurspá er óhagstæð og íbúar og vegfarendur eru hvattir til að halda sig frá nágrenni lóðarinnar.
