Sjö konur á meðal 50 launahæstu tónlistarmannanna

Billboard hefur birt lista yfir fimmtíu launahæstu tónlistarmennina í ár. Sjö konur eru á meðal þeirra og aðeins ein þeirra í efstu tíu sætunum.

Lady Gaga er fremst meðal jafningja í 6. sæti listans, en sú næsta kemur tuttugu sætum neðar og það er Céline Dion í 26. sæti. Næst koma þær Britney Spears, Faith Hill, Ariana Grande, Janet Jackson og Taylor Swift. 

Listinn þykir sýna fram á þann launamun sem viðgengst enn í skemmtanabransanum, en í síðasta mánuði vakti hljómsveitin HAIM athygli eftir að þær ráku umboðsmann sinn í kjölfar þess að þær voru bókaðar á tónlistarhátíð, þar sem karlmaður fékk tífalt meira borgað en þær fyrir hátíðina.

Tónlistarhátíðin Coachella hefur einnig verið gagnrýnd fyrir skort á konum sem koma fram á hátíðinni, en árið 2017 var meirihluti þeirra sem kom fram á hátíðinni karlkyns. 

Listann í heild sinni má sjá hér.