Á auðveldara með nekt eftir að hafa stundað íslenskar sundlaugar

Tabitha Laker fluttist til Íslands á síðasta ári í leit að nýjum ævintýrum og hefur haldið úti Youtube-rás þar sem hún fer yfir það helsta sem fylgir því að búa á Íslandi. 

Laker er með rúmlega 11 þúsund fylgjendur á YouTube og birtir reglulega myndbönd, en í því nýjasta sem birt var í gær nefnir hún hvernig Ísland hefur breytt henni á 10 mismunandi vegu.  

Í myndbandinu talar hún meðal annars um hvernig sturtur í sundlaugum og líkamsræktum hérlendis breyttu viðhorfi hennar til nektar, hvernig hún fór að meta kjötát betur eftir búsetuna á Íslandi og lærði að elska snjóinn.