Valdi frekar að borða tungu en að segja eitthvað fallegt um Trump

Í spjallþættinum Late Late Show með Bretanum James Corden er oft á dagskrá liðurinn Spill Your Guts or Fill Your Guts sem gengur út á það að maður á annað hvort að svara erfiðri spurningu eða borða einhvern algjöran viðbjóð.

Á dögunum var söngkonan Cher gestur í þættinum og tók hún þátt í þessum leik. Var hún meðal annars beðin að segja eitthvað eitt jákvætt um Donald Trump forseta Bandaríkjanna. Það gat hún ekki eins og sjá má í meðfylgjandi myndbandi. Neyddist hún því til þess að smakka tungu úr kú.