Körfubolti

Brynjar á leið í Tindastól

Anton Ingi Leifsson skrifar
Brynjar mun leika í öðrum búningi á næstu leiktíð.
Brynjar mun leika í öðrum búningi á næstu leiktíð. vísir/anton
Brynjar Þór Björnsson mun leik með Tindastól á næstu leiktíð. Þetta herma heimildir Vísis en Brynjar ku skrifa undir samninginn á næstu dögum.

Brynjar er uppalinn í KR þar sem hann hefur átt magnaðan feril. Hann hefur leikið þar allan sinn feril að undanskilnu einu tímabili í Svíþjóð þar sem hann lék með Jämtland Basket.

Með KR hefur Brynjar átta sinnum orðið Íslandsmeistari, þar á meðal fimm síðustu ár, en nú vill hann breyta til og leikur á Króknum á næstu leiktíð.

Í vetur spilaði Brynjar 28 leiki og skoraði í þeim að meðaltali rúmlega tólf stig auk þses að taka þrjú fráköst og gaf rúmar tvær stoðsendingar að meðtali í leik.

Hann fingurbrotnaði rétt fyrir úrslitakeppnina en kom sér aftur á skrið og sigldi einn einum titlinum í hús fyrir KR er liðið vann, einmitt, Tindastól í úrslitaseríunni, 3-1.

Stólarnir eru ríkjandi bikarmeistarar en vilja bæta um betur og slá við KR í baráttunni um Íslandsmeistaratitilinn. Þeir bættu við sig Danero Thomas á dögunum og ljóst að þeir mæta öflugir til leiks á næstu leiktíð.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.