Innlent

Nýtt afl óskar eftir því að Ingvar Örn stigi til hliðar

Kristín Ólafsdóttir skrifar

Flokkurinn Nýtt afl í Bláskógabyggð hefur óskað eftir því að Ingvar Örn Karlsson, sem gekk berserksgang á gröfu við heimili sitt í Biskupstungum í gær, stigi til hliðar og taki ekki sæti fyrir hönd framboðsins í sveitastjórn. Þetta kemur fram í tilkynningu frá Nýju afli í Bláskógabyggð.

Í tilkynningu frá framboðinu kemur fram að þau, sem standi að því, séu harmi slegin yfir fregnum gærdagsins og þá óska þau Ingvari Erni fulls bata.

„En í ljósi aðstæðna munum við óska eftir því við hann að hann stigi til hliðar og taki ekki sæti fyrir hönd framboðsins í sveitastjórn, ef til þess kemur,“ segir í tilkynningu.

Þá er tekið fram að ekki komi til skoðunar að gera breytingar á lista framboðsins en slíkt er óheimilt skv. lögum svo skömmu fyrir kjördag. Að öðru leyti munu aðstandendur Nýs afls ekki svara frekari fyrirspurnum er varða þetta mál.

Ákvörðun var tekin um framtíð Ingvars á lista Nýs afls á sérstökum fundi framboðsins vegna málsins í kvöld. Jón Snæbjörnsson, oddviti lista Nýs afls, sagði í kvöldfréttum Stöðvar 2 að málið væri „mannlegur harmleikur.“

Fréttin hefur verið uppfærð.


Tengdar fréttir

Berserkurinn í Biskupstungum í framboði

Maðurinn sem gekk berserksgang á gröfu við heimili sitt í Biskupstungum í gær heitir Ingvar Örn Karlsson og er hann annar maður á lista Nýs afls í Bláskógabyggð.

Mannlegur harmleikur í Bláskógabyggð

Ákvörðun verður tekin í kvöld um framboð manns sem skipar annað sætið á lista Nýs afls í Bláskógabyggð fyrir sveitarstjórnarkosningarnar 26. maí.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.