Repúblikanar búa sig undir árásir á Comey Kjartan Kjartansson skrifar 12. apríl 2018 13:35 James Comey hefur verið repúblikani nær alla ævi en segist ekki lengur vera það. Fyrrum félagar hans ætla sér að vega harðlega að trúverðugleika hans. Vísir/AFP Forysta Repúblikanaflokksins í Bandaríkjunum ætlar sér að lýsa James Comey, fyrrverandi forstjóra alríkislögreglunnar FBI, sem lygara í fjölmiðlastríði sem þeir ætla að há þegar bók Comey kemur út í næstu viku. Sjónvarpsmaður sem tók viðtal við Comey segir að hann muni líkja Donald Trump forseta við mafíuforingja. Bókar Comey hefur verið beðið með mikill eftirvæntingu. Búist er við því að í henni muni hann varpa nýju ljósi á samskipti sín við Trump áður en forsetinn rak hann í maí í fyrra. Comey hefur sagt þingnefnd að Trump hafi krafið hann um hollustu og beðið hann um að láta rannsókn á bandamönnum sínum falla niður. Á meðal þess sem Robert Mueller, sérstakur rannsakandi dómsmálaráðuneytisins, rannsakar nú er hvort að Trump hafi með því að reka Comey gerst sekur um að reyna að hindra framgang rannsóknarinnar á því hvort að forsetaframboð hans hafi átt í samráði við rússnesk stjórnvöld árið 2016. Í fyrstu var meðferð Comey á rannsókninni á tölvupóstum Hillary Clinton þegar hún var utanríkisráðherra opinber ástæða Hvíta hússins fyrir brottrekstri hans. Skömmu síðar viðurkenndi Trump í sjónvarpsviðtali að ástæðan hefði verið Rússarannsókn FBI. Trump kallaði Comey meðal annars „geðsjúkling“ við rússneska erindreka í Hvíta húsinu daginn eftir að hann rak hann. Brottreksturinn hefði létt miklum þrýstingi af honum vegna rannsóknarinnar. Eins og venjan er fer Comey í fjölda viðtala til að kynna bókina þar sem hann mun að öllum líkindum tala um samskiptin við Trump. Í stiklu fyrir viðtal á ABC-sjónvarpsstöðinni er látið í það skína að Comey hafi líkt forsetanum við mafíósa. Það viðtal verður birt á sunnudagskvöld.Uppnefna hann „Lyga-Comey“ Landsnefnd Repúblikanaflokksins ætlar hins vegar ekki að sitja auðum höndum og leyfa Comey að eiga sviðið einn. Hún hefur undirbúið herferð til að mæta frásögn fyrrverandi FBI-mannsins sem er raunar sjálfur repúblikani til margra ára. Markmiðið er að grafa undan trúverðugleika hans. Þannig segir Washington Post að landsnefndin ætli að opna nýja vefsíðu þar sem fyrrverandi forstjórinn verður uppnefndur „Lyga-Comey“. [e. Lyin‘ Comey]. Þar er meðal annars vísað til ummæla demókrata um Comey eftir að hann opnaði rannsókn á Hillary Clinton aðeins rúmri viku fyrir kjördag árið 2016. Ekkert nýtt kom fram við rannsóknina sem var lokað skömmu síðar. Margir demókratar telja að þetta hafi verið banabiti framboðs Clinton. Repúblikanar ætla ekki að láta þar við liggja heldur ætla þeir að dæla út stafrænum auglýsingum og vera með viðbragðsteymi sem fylgist með fjölmiðlaviðtölum Comey til að bregðast strax við fullyrðingum hans.CNN-fréttastöðin segir jafnframt að flokksmenn muni fá senda minnispunkta um sem þeir eiga að styðjast við þegar þeir bregðast við orðum Comey. Hvíta húsið er sagt hafa lagt blessun sína yfir áætlun landsnefndarinnar. „Kynningarferð James B. Comey er eigingjörn tilraun til þess að græða pening og að bæta eigin ímynd. Ef Comey vill sviðsljósið aftur þá munum við tryggja að bandaríska þjóðin skilji hvers vegna hann getur aðeins sjálfum sér um kennt að hann er algerlega rúinn trúverðugleika,“ segir Ronna McDaniel Romney, formaður landsnefndar Repúblikanaflokksins. Bók Comey nefnist „Æðri hollusta: Sannleikurinn, lygar og forysta“ [e. A Higher Loyalty: Truth, Lies and Leadership]. Hún kemur út á þriðjudag og er þegar á lista söluhæstu bóka hjá netverslunarrisanum Amazon. Bandaríkin Donald Trump Rússarannsóknin Tengdar fréttir Aðstoðarforstjóri FBI rekinn Andrew McCabe, aðstoðarforstjóri bandarísku alríkislögreglunnar FBI, var rekinn í gærkvöldi. 17. mars 2018 07:39 Trump kallar fyrrverandi yfirmenn leyniþjónustu og FBI lygara Bandaríkjaforseti heldur áfram árásum sínum á trúverðugleika bandarískra alríkisstofnana. 5. febrúar 2018 14:45 Aðgerðum repúblikana líkt við alræmt augnablik Watergate-hneykslisins Einn blaðamannanna sem afhjúpaði Watergate-hneykslið segir að atburða gærdagsins gæti orðið minnst á sama hátt og "laugardagsfjöldamorðs“ Richards Nixon. 30. janúar 2018 13:30 Comey um minnisblaðið: „Er þetta allt og sumt?“ James Comey, sem rekinn var sem forstjóri FBI af Donald Trump á síðasta ári, furðar sig á innihaldi hins umdeilda minnisblaðs sem gert var opinbert í dag. 2. febrúar 2018 23:45 Rannsakandinn ræddi einnig við fyrrverandi forstjóra FBI Minnisblöð sem James Comey hélt um samskipti sín við Trump forseta eru sögð hafa verið helsta umræðuefnið þegar rannsakandur Roberts Mueller ræddu við hann klukkustundum saman í fyrra. 23. janúar 2018 19:43 Mest lesið „Ef stelpur byrja ungar á blæðingum er það fyrsta flaggið“ Innlent Myndband af þjófunum í Hamraborg í fréttum Stöðvar 2 Innlent Halda andlitinu í skólanum en hrynja niður heima Innlent Katrín leiðir og hefur tölfræðilega marktækt forskot á Baldur Innlent Læknir langþreyttur á skriffinnsku: „Mér líður oft eins og Indriða í Fóstbræðrum“ Innlent Hafa vitneskju um mögulegan dvalarstað Íslendings sem flýr réttvísina Erlent Ákærður fyrir að nota slagorð SS-sveitanna á fjöldafundi Erlent Útsendarar Rússa sakaðir um skipulagningu árása í Þýskalandi Erlent Forsetaframbjóðendur í Pallborðinu klukkan 13 á morgun Innlent Tvö flutt á slysadeild eftir bílveltu Innlent Fleiri fréttir Johnson í erfiðri stöðu Hafa vitneskju um mögulegan dvalarstað Íslendings sem flýr réttvísina Útsendarar Rússa sakaðir um skipulagningu árása í Þýskalandi Mikill mannskaði eftir sögulegt úrhelli í eyðimörkinni Kjarnorkuknúin drónaþyrla mun leita að lífrænum sameindum á Títan Sendi ösku í allt að þriggja kílómetra hæð Ákærður fyrir að nota slagorð SS-sveitanna á fjöldafundi Stjórnvöld í Katar að endurskoða sáttasemjarahlutverk sitt Réði lífvörð eftir árásina á bandamann Navalnís Borgarstjóri sakaður um brot gegn dóttur sinni Hæsta vindmylla heims á landi reist í Danmörku Þingforsetinn segist ekki ætla að fara fet Ísraelar sagðir búnir að ákveða að svara fyrir sig Boðflennusæfíll hrellir Kanadamenn Mannskæð loftárás Rússa í Norður-Úkraínu Toppurinn á spírunni fundinn: „Margir í sjokki og enn að ná sér“ Kóralrif fölna á heimsvísu í fjórða skiptið á þremur áratugum Eins og hálfs árs úrkoma á einum sólarhring í Dubai Ítarleg úttekt á þjónustu við börn með kynama þungur áfellisdómur Greitt fyrir aðgengi andstæðinga þungunarrofs inn á heilbrigðismiðstöðvar Áætla að yfir 50.000 rússneskir hermenn hafi fallið í átökunum Segja stunguárásina vera hryðjuverk Trump dottaði þegar fyrsta sakamálið var tekið fyrir Svipað og að horfa upp á Notre Dame brenna „Ein mikilvægasta bygging Danmerkur“ Ísraelsher staðráðinn í að bregðast við árás Írana Mikill eldur í Børsen í Kaupmannahöfn Langstærsta svartholið í Vetrarbrautinni okkar til þessa Fjórða líkið fundið Átján mánaða fangelsi vegna voðaskotsins Sjá meira
Forysta Repúblikanaflokksins í Bandaríkjunum ætlar sér að lýsa James Comey, fyrrverandi forstjóra alríkislögreglunnar FBI, sem lygara í fjölmiðlastríði sem þeir ætla að há þegar bók Comey kemur út í næstu viku. Sjónvarpsmaður sem tók viðtal við Comey segir að hann muni líkja Donald Trump forseta við mafíuforingja. Bókar Comey hefur verið beðið með mikill eftirvæntingu. Búist er við því að í henni muni hann varpa nýju ljósi á samskipti sín við Trump áður en forsetinn rak hann í maí í fyrra. Comey hefur sagt þingnefnd að Trump hafi krafið hann um hollustu og beðið hann um að láta rannsókn á bandamönnum sínum falla niður. Á meðal þess sem Robert Mueller, sérstakur rannsakandi dómsmálaráðuneytisins, rannsakar nú er hvort að Trump hafi með því að reka Comey gerst sekur um að reyna að hindra framgang rannsóknarinnar á því hvort að forsetaframboð hans hafi átt í samráði við rússnesk stjórnvöld árið 2016. Í fyrstu var meðferð Comey á rannsókninni á tölvupóstum Hillary Clinton þegar hún var utanríkisráðherra opinber ástæða Hvíta hússins fyrir brottrekstri hans. Skömmu síðar viðurkenndi Trump í sjónvarpsviðtali að ástæðan hefði verið Rússarannsókn FBI. Trump kallaði Comey meðal annars „geðsjúkling“ við rússneska erindreka í Hvíta húsinu daginn eftir að hann rak hann. Brottreksturinn hefði létt miklum þrýstingi af honum vegna rannsóknarinnar. Eins og venjan er fer Comey í fjölda viðtala til að kynna bókina þar sem hann mun að öllum líkindum tala um samskiptin við Trump. Í stiklu fyrir viðtal á ABC-sjónvarpsstöðinni er látið í það skína að Comey hafi líkt forsetanum við mafíósa. Það viðtal verður birt á sunnudagskvöld.Uppnefna hann „Lyga-Comey“ Landsnefnd Repúblikanaflokksins ætlar hins vegar ekki að sitja auðum höndum og leyfa Comey að eiga sviðið einn. Hún hefur undirbúið herferð til að mæta frásögn fyrrverandi FBI-mannsins sem er raunar sjálfur repúblikani til margra ára. Markmiðið er að grafa undan trúverðugleika hans. Þannig segir Washington Post að landsnefndin ætli að opna nýja vefsíðu þar sem fyrrverandi forstjórinn verður uppnefndur „Lyga-Comey“. [e. Lyin‘ Comey]. Þar er meðal annars vísað til ummæla demókrata um Comey eftir að hann opnaði rannsókn á Hillary Clinton aðeins rúmri viku fyrir kjördag árið 2016. Ekkert nýtt kom fram við rannsóknina sem var lokað skömmu síðar. Margir demókratar telja að þetta hafi verið banabiti framboðs Clinton. Repúblikanar ætla ekki að láta þar við liggja heldur ætla þeir að dæla út stafrænum auglýsingum og vera með viðbragðsteymi sem fylgist með fjölmiðlaviðtölum Comey til að bregðast strax við fullyrðingum hans.CNN-fréttastöðin segir jafnframt að flokksmenn muni fá senda minnispunkta um sem þeir eiga að styðjast við þegar þeir bregðast við orðum Comey. Hvíta húsið er sagt hafa lagt blessun sína yfir áætlun landsnefndarinnar. „Kynningarferð James B. Comey er eigingjörn tilraun til þess að græða pening og að bæta eigin ímynd. Ef Comey vill sviðsljósið aftur þá munum við tryggja að bandaríska þjóðin skilji hvers vegna hann getur aðeins sjálfum sér um kennt að hann er algerlega rúinn trúverðugleika,“ segir Ronna McDaniel Romney, formaður landsnefndar Repúblikanaflokksins. Bók Comey nefnist „Æðri hollusta: Sannleikurinn, lygar og forysta“ [e. A Higher Loyalty: Truth, Lies and Leadership]. Hún kemur út á þriðjudag og er þegar á lista söluhæstu bóka hjá netverslunarrisanum Amazon.
Bandaríkin Donald Trump Rússarannsóknin Tengdar fréttir Aðstoðarforstjóri FBI rekinn Andrew McCabe, aðstoðarforstjóri bandarísku alríkislögreglunnar FBI, var rekinn í gærkvöldi. 17. mars 2018 07:39 Trump kallar fyrrverandi yfirmenn leyniþjónustu og FBI lygara Bandaríkjaforseti heldur áfram árásum sínum á trúverðugleika bandarískra alríkisstofnana. 5. febrúar 2018 14:45 Aðgerðum repúblikana líkt við alræmt augnablik Watergate-hneykslisins Einn blaðamannanna sem afhjúpaði Watergate-hneykslið segir að atburða gærdagsins gæti orðið minnst á sama hátt og "laugardagsfjöldamorðs“ Richards Nixon. 30. janúar 2018 13:30 Comey um minnisblaðið: „Er þetta allt og sumt?“ James Comey, sem rekinn var sem forstjóri FBI af Donald Trump á síðasta ári, furðar sig á innihaldi hins umdeilda minnisblaðs sem gert var opinbert í dag. 2. febrúar 2018 23:45 Rannsakandinn ræddi einnig við fyrrverandi forstjóra FBI Minnisblöð sem James Comey hélt um samskipti sín við Trump forseta eru sögð hafa verið helsta umræðuefnið þegar rannsakandur Roberts Mueller ræddu við hann klukkustundum saman í fyrra. 23. janúar 2018 19:43 Mest lesið „Ef stelpur byrja ungar á blæðingum er það fyrsta flaggið“ Innlent Myndband af þjófunum í Hamraborg í fréttum Stöðvar 2 Innlent Halda andlitinu í skólanum en hrynja niður heima Innlent Katrín leiðir og hefur tölfræðilega marktækt forskot á Baldur Innlent Læknir langþreyttur á skriffinnsku: „Mér líður oft eins og Indriða í Fóstbræðrum“ Innlent Hafa vitneskju um mögulegan dvalarstað Íslendings sem flýr réttvísina Erlent Ákærður fyrir að nota slagorð SS-sveitanna á fjöldafundi Erlent Útsendarar Rússa sakaðir um skipulagningu árása í Þýskalandi Erlent Forsetaframbjóðendur í Pallborðinu klukkan 13 á morgun Innlent Tvö flutt á slysadeild eftir bílveltu Innlent Fleiri fréttir Johnson í erfiðri stöðu Hafa vitneskju um mögulegan dvalarstað Íslendings sem flýr réttvísina Útsendarar Rússa sakaðir um skipulagningu árása í Þýskalandi Mikill mannskaði eftir sögulegt úrhelli í eyðimörkinni Kjarnorkuknúin drónaþyrla mun leita að lífrænum sameindum á Títan Sendi ösku í allt að þriggja kílómetra hæð Ákærður fyrir að nota slagorð SS-sveitanna á fjöldafundi Stjórnvöld í Katar að endurskoða sáttasemjarahlutverk sitt Réði lífvörð eftir árásina á bandamann Navalnís Borgarstjóri sakaður um brot gegn dóttur sinni Hæsta vindmylla heims á landi reist í Danmörku Þingforsetinn segist ekki ætla að fara fet Ísraelar sagðir búnir að ákveða að svara fyrir sig Boðflennusæfíll hrellir Kanadamenn Mannskæð loftárás Rússa í Norður-Úkraínu Toppurinn á spírunni fundinn: „Margir í sjokki og enn að ná sér“ Kóralrif fölna á heimsvísu í fjórða skiptið á þremur áratugum Eins og hálfs árs úrkoma á einum sólarhring í Dubai Ítarleg úttekt á þjónustu við börn með kynama þungur áfellisdómur Greitt fyrir aðgengi andstæðinga þungunarrofs inn á heilbrigðismiðstöðvar Áætla að yfir 50.000 rússneskir hermenn hafi fallið í átökunum Segja stunguárásina vera hryðjuverk Trump dottaði þegar fyrsta sakamálið var tekið fyrir Svipað og að horfa upp á Notre Dame brenna „Ein mikilvægasta bygging Danmerkur“ Ísraelsher staðráðinn í að bregðast við árás Írana Mikill eldur í Børsen í Kaupmannahöfn Langstærsta svartholið í Vetrarbrautinni okkar til þessa Fjórða líkið fundið Átján mánaða fangelsi vegna voðaskotsins Sjá meira
Aðstoðarforstjóri FBI rekinn Andrew McCabe, aðstoðarforstjóri bandarísku alríkislögreglunnar FBI, var rekinn í gærkvöldi. 17. mars 2018 07:39
Trump kallar fyrrverandi yfirmenn leyniþjónustu og FBI lygara Bandaríkjaforseti heldur áfram árásum sínum á trúverðugleika bandarískra alríkisstofnana. 5. febrúar 2018 14:45
Aðgerðum repúblikana líkt við alræmt augnablik Watergate-hneykslisins Einn blaðamannanna sem afhjúpaði Watergate-hneykslið segir að atburða gærdagsins gæti orðið minnst á sama hátt og "laugardagsfjöldamorðs“ Richards Nixon. 30. janúar 2018 13:30
Comey um minnisblaðið: „Er þetta allt og sumt?“ James Comey, sem rekinn var sem forstjóri FBI af Donald Trump á síðasta ári, furðar sig á innihaldi hins umdeilda minnisblaðs sem gert var opinbert í dag. 2. febrúar 2018 23:45
Rannsakandinn ræddi einnig við fyrrverandi forstjóra FBI Minnisblöð sem James Comey hélt um samskipti sín við Trump forseta eru sögð hafa verið helsta umræðuefnið þegar rannsakandur Roberts Mueller ræddu við hann klukkustundum saman í fyrra. 23. janúar 2018 19:43