Sprenging í hlaupaseríu FH og Bose

Lokahóf Hlaupaseríu FH og Bose fór fram í gærkvöldi í veislusal Sjónarhóls. Á fjórða hundrað manns mættu í lokahófið og fögnuðu þar eftir að hafa lagt mikið á sig í hlaupaseríunni í vetur. Stigahæstu keppendur hlaupaseríunnar voru þar verðlaunaðir ásamt því að heppnir keppendur fengu vegleg útdráttarverðlaun. Stigahæst í kvennaflokki hlaupaseríunnar var Agnes Kristjánsdóttir. Í öðru sæti var Jóna Dóra Óskarsdóttir og í þriðja sæti Ingveldur Hafdís Karlsdottir. Ingvar Hjartarson var stigahæstur í karlaflokki. Í öðru sæti var Bjarki Freyr Rúnarsson og í því þriðja var Arnar Pétursson.

„Það var gaman að sjá hversu margir tóku þátt í hlaupaseríunni í vetur. Það var meðal annars slegið þátttökumet í janúar og svo aftur í mars. Alls 321 hlauparar hlupu í marshlaupinu sem er met. Þátttakendur voru að ná fínum tímum og oft í nokkuð erfiðum aðstæðum í vetur. Við höfum náð að efla hlaupið mjög mikið og ekki síst með tilkomu Bose sem styrktaraðila," segir Hörður Halldórsson, formaður hlaupahóps FH.