Erlent

Forsprakki bresku sveitarinnar The Fall fallinn frá

Atli Ísleifsson skrifar
Mark E Smith var söngvari The Fall en sveitin gaf alls út þrjátíu plötur.
Mark E Smith var söngvari The Fall en sveitin gaf alls út þrjátíu plötur. Vísir/Getty
Mark E Smith, söngvari og forsprakki bresku sveitarinnar The Fall, er látinn, sextugur að aldri.

Pam Van Damned, umboðsmaður sveitarinnar, segir Smith hafa látist á heimili sínu í gærmorgun og að ítarlegri yfirlýsing um andlátið verði gefin út „á næstu dögum“.

Smith er þekktur fyrir að hafa ráðið og rekið rúmlega sextíu liðsmenn sveitarinnar, en Smith átti í stormasömu sambandi við þá flesta.

Söngvarinn var ekki einungis þekktur fyrir sérstakan söngstíl sinn, heldur birtust einnig reglulega fréttir af drykkjulátum og slagsmálum söngvarans í breskum fjölmiðlum.

The Fall náði alls 27 lögum inn á breska vinsældalistann á árunum 1984 til 2004. Náði lagið There's a Ghost in My House bestum árangri þegar það komst í þrítugasta sæti listans árið 1987. Alls gaf sveitin út þrjátíu plötur og átti sveitin sér dyggan aðdáendahóp.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.