Martin stigahæstur í tapi

Martin Hermannsson var meðal stigahæstu manna í tapi Chalons-Reims gegn Boulazac í frönsku úrvaldeildinni í körfubolta í kvöld.

Martin skoraði 14 stig, líkt og Alexandre Karolak og Ulmer LaMonte. Hann var einnig með fimm stoðsendingar.

Boulazac var með yfirhöndina allan leikinn, var ellefu stigum yfir eftir fyrsta leikhluta og 32-54 yfir í hálfleik. Chalons-Reims náði aðeins að laga stöðuna í seinni hálfleik, en lokatölur urðu 82-89.

Liðið er í 13. sæti frönsku deildarinnar með 7 sigra og 10 töp.